15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
Պատերազմի ընթացքում ռուսական ԶՈՒ-ի հետ պայմանագիր կնքող օտարերկրացիները ՌԴ քաղաքացիություն կստանան
Քաղաքականություն
04.01.2024 | 21:17
Օտարերկրացիները, որոնք պայմանագիր են կնքել Ռուսաստանի Դաշնության զինված ուժերի հետ Ուկրաինայի հետ պատերազմի ընթացքում, կկարողանան դիմել Ռուսաստանի քաղաքացիություն ստանալու համար։ ՌԴ նախագահ Վլադիմիր Պուտինի համապատասխան հրամանագիրը հրապարակվել է իրավական տեղեկատվության պաշտոնական պորտալում,գրում է ՏԱՍՍ-ը։ Այսպիսով, դիմողին անհրաժեշտ կլինի կցել իր անձնագիրը, ՌԴ Զինված ուժերում ծառայության պայմանագիրը, որը կնքվել է առնվազն մեկ տարի ժամկետով, ինչպես նաև անվան կամ ազգանվան փոփոխության վկայական (առկայության դեպքում):
Ըստ փաստաթղթի` Ռուսաստանի քաղաքացիություն ստանալու համար կարող են դիմել նաև «ռազմական հատուկ գործողության» ընթացքում ՌԴ ԶՈՒ-ում առողջական, տարիքային շեմը լրանալու, պայմանագրի ժամկետը լրանալու, ինչպես նաև ռազմական դրության դադարեցման պատճառով զինվորական ծառայությունից ազատված օտարերկրացիները։
Նշվում է,որ ՌԴ քաղաքացիություն ստանալու իրավունք են ունենալու նաև օտարերկրյա քաղաքացիների այս կատեգորիաների հարազատները։
