25.11.2024 | 18:43
Վարչապետի գլխավորությամբ քննարկվել է 2024 թ. 9 ամսվա պետական բյուջեի կատարողականի հաշվետվությունը
Իրանի նախագահի այցը Թուրքիա կրկին հետաձգվել է
Քաղաքականություն
04.01.2024 | 14:02
Իրանի նախագահ Էբրահիմ Ռայիսիի այսօր Թուրքիա նախատեսված այցը կրկին հետաձգվել է։ Այս մասին պայմանավորվել են Թուրքիայի ու Իրանի նախագահները հեռախոսազրույցի ընթացքում։
Մասնավորապես, թուրքական կողմի փոխանցմամբ` Թուրքիայի նախագահ Ռեջեփ Թայիփ Էրդողանը ցավակցություն է հայտնել Ռայիսիին՝ Քերմանում տեղի ունեցած ահաբեկչության կապակցությամբ։
Նա, դատապարտելով խաղաղ բնակիչներին թիրախ դարձած ահաբեկչությունը, համբերություն է մաղթել Իրանի ժողովրդին և հայտարարել, որ «Թուրքիան ահաբեկչության դեմ պայքարում Իրանի կողքին է»։
Հիշեցնենք, որ Իրանի Քերման քաղաքում մի քանի պայթյուն էր որոտացել Իսլամական հեղափոխության պահապանների կորպուսի «Ալ Քուդս» հատուկ ստորաբաժանման նախկին հրամանատար, գեներալ Ղասեմ Սոլեյմանիի (զոհվել է Բաղդադում 2020 թվականի հունվարի 3-ին ԱՄՆ ռազմաօդային ուժերի ավիահարվածից հետո) հիշատակի օրը։ Զոհվել է 103 մարդ, առնվազն 211-ը՝ վիրավորվել: Նախնական տվյալներով ՝ պայթուցիկը եղել է գերեզմանատանը թողած երկու պայուսակների մեջ, պայթեցումն իրականացվել է հեռավար։ Իրանի հատուկ ծառայությունները կարծում են, որ պայթյուններն ահաբեկչություն են եղել։
Հիշեցնենք նաև, որ Ռաիսիի այցը Թուրքիա նախատեսված էր նոյեմբերի 28-ին, բայց այն հետաձգվել էր։
