16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
BRICS-ի անդամ է դարձել ևս հինգ երկիր
Քաղաքականություն
03.01.2024 | 19:33
Եգիպտոսը, Իրանը, Արաբական Միացյալ Էմիրությունները, Սաուդյան Արաբիան և Եթովպիան պաշտոնապես միացել են BRICS-ին 2024 թվականի հունվարի 1-ից։ Այսպիսով, խումբը, որն արդեն ընդգրկում էր Բրազիլիան, Հնդկաստանը, Չինաստանը, Ռուսաստանը և Հարավային Աֆրիկան, կրկնապատկվել է, հաղորդում է Africa News-ը։
Սաուդյան Արաբիայի արտաքին գործերի նախարար արքայազն Ֆեյսալ բեն Ֆարհանը BRICS-ն անվանել է «շահավետ և կարևոր աղբյուր» տնտեսական համագործակցության ամրապնդման համար։
BRICS-ին վեց նոր երկրների միանալու մասին հայտարարվել էր 2023 թվականի օգոստոսին Յոհանեսբուրգի գագաթնաժողովում։
Խմբի անդամ պետք է դառնար նաև Արգենտինան, սակայն դեկտեմբերի վերջին երկրի նոր նախագահ Խավիեր Մայլին պաշտոնապես տեղեկացրեց իր ռուս գործընկեր Վլադիմիր Պուտինին, Չինաստանի նախագահ Սի Ցզինպինին և BRICS-ի մյուս առաջնորդներին, որ Արգենտինան չի միանա միությանը, քանի որ դա այս պահին նպատակահարմար չէ։
