22.11.2024 | 18:16
Բրազիլիան հետաքրքրված է տեխնլոգիական ոլորտում Հայաստանի հետ համագործակցությամբ
Իշխանավորների «մակրոտնտեսական կայունությունն» ու տնտեսական ակտիվության պաշտոնական տատանումները
Տնտեսություն
01.01.2024 | 21:45
Վարչապետ Նիկոլ Փաշինյանն օրերս էկոնոմիկայի նախարարություն այցելության ժամանակ ասել է, թե «ապահովվել է մակրոտնտեսական կայունություն»:
Մինչդեռ, ըստ Վիճակագրական կոմիտեի տվյալների, 2023 թվականի ընթացքում տնտեսական ակտիվությունը բավականին փոփոխական է եղել։
Ինչպես երևում է գրաֆիկից, տնտեսական ակտիվության ցուցանիշի (ՏԱՑ) կորը «կայուն» անվանել չի կարելի, և միանգամյա ու կարճաժամկետ գործոններով պայմանավորված այն զգալի տատանվել է: Ակնհայտ է, որ դրա վրա մեծ է եղել արդյունաբերական արտադրանքի ծավալների ազդեցությունը։ Օրինակ՝ նոյեմբերին ՏԱՑ-ը կտրուկ աճել է՝ նախորդ ամսվա 6.0 %-ից հասնելով 11.2%-ի՝ արդյունաբերության 23.8% աճի ֆոնին։ Իսկ արդյունաբերության այս թռիչքի վրա ազդել է ոսկերչական արտադրանքի շուրջ 13.7 անգամ աճը:
Օրերս էկոնոմիկայի նախարար Վահան Քերոբյանն շտապել էր ֆեյսբուքյան իր էջում «ավետել» ՏԱՑ-ի տարվա ցուցանիշը՝ 109.4%։
Թե ինչ արդյունքներով կամփոփվի տնտեսական տարին, հայտնի կդառնա 2024 թ-ի հունվարին, երբ Վիճակագրական կոմիտեն կհրապարակի պաշտոնական տվյալները։
Գայանե Խաչատրյան
