24.06.2026 | 20:24
Անկարայում ՆԱՏՕ-ի գագաթնաժողովից առաջ ԻԼԻՊ-ի հետ կապված կասկածյալ է սպանվել
Լեհաստանի ԶՈւ-ը հայտնել է, որ երկրի օդային տարածք չբացահայտված օբյեկտ է մտել․ նախագահը հրատապ խորհրդակցություն է հրավիրել
Քաղաքականություն
29.12.2023 | 17:50
Դեկտեմբերի 29-ի առավոտյան Ուկրաինայից Լեհաստանի օդային տարածք է մտել «չբացահայտված օդային օբյեկտ»։ Այս մասին հայտնում է Լեհաստանի զինված ուժերի օպերատիվ հրամանատարությունը X-ի էջում գրառմամբ:
Նշվում է, որ անհայտ օբյեկտը «դիտվել է երկրի հակաօդային պաշտպանության համակարգի ռադիոտեղորոշիչ տեխնիկայի կողմից»՝ սահմանը հատելու պահից մինչև ազդանշանի անհետացումը։ Գործող կարգի համաձայն՝ զինված ուժերի օպերատիվ հրամանատարությունը մոբիլիզացրել է իր տրամադրության տակ գտնվող ուժերն ու միջոցները։
Լեհական լրատվամիջոցներն էլ հայտնում են, որ նախագահ Անջեյ Դուդան հրատապ խորհրդակցություն է հրավիրել, որին մասնակցում են պաշտպանության նախարար Վլադիսլավ Կոսինյակ-Կամիշը, Գլխավոր շտաբի պետ Վիսլավ Կուկուլան և օպերատիվ հրամանատարության ղեկավար, գեներալ Մաչեյ Կլիսը։
Նշվում է, որ կեսօրին էլ վարչապետ Դոնալդ Տուսկը զրուցել է հատուկ ծառայությունների ղեկավարների հետ։
Էմմա Չոբանյան
