29.04.2026 | 14:10
Արմեն Մելիքբեկյանն ու Լևան Կոբիաշվիլին հանդիպել են ՖԻՖԱ-ի նախագահին
ՊՆ-ին մեկ ամսից ավելի ժամանակ է անհրաժեշտ եղել՝ պարզելու, որ հայցվող տեղեկատվությունը պետական և ծառայողական գաղտնիք է
Հասարակություն
29.12.2023 | 14:15
Factor.am-ը նոյեմբերի 1-ին գրավոր հարցմամբ դիմել էր Պաշտպանության նախարարություն՝ պարզելու, թե իտալական արտադրության քանի՞ մոդուլային զորանոց է ձեռք բերել նախարարությունը, որի մասին խոսվել էր Ազատի զինվորական կացարանում ողբերգական դեպքից հետո, արդյոք ձեռքբերված զորանոցներն արդեն մոնտաժվել և շահագործվում են։ Հարցումը ստանալուց 6 օր անց նախարարությունից պատասխանել էին, որ «տեղեկությունները տրամադրելու համար լրացուցիչ ուսումնասիրության անհրաժեշտություն կա: Ըստ այդմ` հարցման պատասխանը կտրամադրվի ՀՀ օրենսդրությամբ սահմանված ժամկետներում»։
Այդ պատասխանից ավելի քան մեկ ամիս անց՝ դեկտեմբերի 20-ին, նախարարությունից պատասխանել են, որ հայցվող տեղեկատվությունը հրապարակման ենթակա չէ և տրամադրել չեն կարող։
Նախարարությունից մեջբերել են տեղեկատվության մերժման հիմքը, այն է՝ «Տեղեկատվության ազատության մասին» ՀՀ օրենքի 8-րդ հոդվածի 1-ին կետի 1-ին ենթակետը՝ մերժում է տեղեկության տրամադրումը, եթե դա պարունակում է պետական, ծառայողական, բանկային, առևտրային գաղտնիք։
Վկայակոչել են նաև ՀՀ կառավարության 1998 թվականի մարտի 13-ի N 173 որոշմամբ հաստատված ցանկի 4-րդ և 19-րդ կետերի պահանջները, որոնցում պետական գաղտնիքի շարքին դասվող տեղեկություններն են։
Factor.am-ի հավաստի տեղեկություններով՝ մոդուլային զորանոցների մի մասի բացումը տեղի կունենա 2024 թվականին։
Արփի Հակոբյան
