15.12.2025 | 21:13
Ալիևը համաներում է նախաձեռնում. այն կվերաբերի ավելի քան 20,000 մարդու
LʼOreal-ի հիմնադրի թոռնուհին դարձել է աշխարհում առաջին կինը, ում կարողությունը գերազանցել է 100 միլիարդ դոլարը
Քաղաքականություն
30.12.2023 | 16:11
L’Oreal-ի հիմնադրի թոռնուհին՝ ֆրանսիական կոսմետիկ ընկերության տնօրենների խորհրդի փոխնախագահ Ֆրանսուազ Բետանկուր-Մայերսը դարձել է աշխարհում առաջին կինը, ում կարողությունը գերազանցել է 100 միլիարդ դոլարը։ Այս մասին հայտնում է Bloomberg-ը, որին վկայակոչում է Meduza-ն։
Ըստ Bloomberg-ի միլիարդատերերի ինդեքսի՝ դեկտեմբերի 28-ին նրա կարողությունը հասել է 100,2 միլիարդ դոլարի: Սա տեղի է ունեցել LʼOreal-ի բաժնետոմսերի ռեկորդային գնի ֆոնին: Բետանկուր-Մայերսն ընտանիքի հետ միասին ընկերության 33 տոկոսի սեփականատերն է։
Լրատվամիջոցը նշում է, որ Ֆրանսուազ Բետանկուր-Մեյերսի կարողությունը դեռ զգալիորեն զիջում է իր հայրենակից, LVMH խմբի ղեկավար Բեռնար Առնոյի կարողությանը, որը գնահատվում է 179,4 միլիարդ դոլար։
L’Oreal ընկերությունը հիմնադրվել է 1909 թվականին Էժեն Շյուլեի կողմից։ Բետանկուր-Մայերսը հարստացել է մոր՝ Լիլիան Բետանկուրի մահից հետո, որից ժառանգել է LʼOreal-ի բաժնետոմսերի 33%-ը։ 2018 թվականին Ֆրանսուազն ու նրա ընտանիքը 42,2 միլիարդ դոլար կարողությամբ զբաղեցրել են 18-րդ տեղը Forbes-ի աշխարհի ամենահարուստ մարդկանց վարկանիշում։ 2023 թվականին Forbes-ը Բետանկուր-Մայերսի կարողությունը գնահատել է 99,9 միլիարդ դոլար։
Էմմա Չոբանյան
