16.02.2026 | 22:38
Ռուբիոն ԱՄՆ-ի աջակցությունն է հայտնել Հունգարիայի վարչապետին ընտրություններից առաջ
Հարցեր ունենք Ռուսաստանին, սպասում ենք պատասխաններին․ Գագիկ Ծառուկյան
Քաղաքականություն
28.12.2023 | 23:32
ԲՀԿ նախագահ Գագիկ Ծառուկյանը «Կենտրոն» հեռուստաընկերությանը տված հարցազրույցում անդրադարձավ հայ-ռուսական հարաբերություններին։ Նրա խոսքով՝ Երևանը պետք է այնպիսի քաղաքականություն վարի, որ Ռուսաստանի հետ հարաբերությունները լինեն դաշնակցային։
«Մեր երկրին անհրաժեշտ են դաշնակիցներ, լավ գործընկերներ, մենք փոքր պետություն ենք։ Հարցեր ունենք Ռուսաստանին, սպասում ենք պատասխաններին, բայց պետք է մտածենք՝ ուզո՞ւմ ենք, որ Ռուսաստանը մեզ թշնամի լինի։ Իհարկե, ՌԴ-ն պետք է մեզ դաշնակից լինի։ Մենք պետք է ներկայացնենք մեր խնդիրը, հարցը, մեր դաշնակից պետությունը պետք է մեր կողքին լինի, որ մենք մեր ծրագրերն իրականացնենք։ Պետք է և՛ Ռուսաստանի, և՛ Արևմուտքի հետ լավ հարաբերություններ ունենանք, մեկը մյուսի հաշվին չպետք է վատացնենք, մենք իրավունք չունենք աշխարհի հետ թշնամի դառնալ։ Կարող ենք ճիշտ քաղաքականություն վարել և լինել կամուրջ»,- ասաց Գագիկ Ծառուկյանը։
