17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
Աբխազիայի խորհրդարանը վավերացրել է Պիցունդայի պետական ամառանոցը Ռուսաստանին փոխանցելու պայմանագիրը
Քաղաքականություն
27.12.2023 | 14:11
Աբխազիայի խորհրդարանի պատգամավորներն արտահերթ նիստում վավերացրել են Պիցունդայի պետական ամառանոցը Ռուսաստանին փոխանցելու մասին պայմանագիրը, հայտնում է Sputnik Աբխազիան։
Փաստաթուղթը վավերացնող օրենքը ստորագրել է նաև հանրապետության նախագահ Ասլան Բժանիան։
Պիցունդայում գտնվող պետական ամառանոցը, որի տարածքը կազմում է ավելի քան 180 հեկտար, վարձակալվել է Մոսկվայի կողմից Աբխազիայի կառավարության և Ռուսաստանի անվտանգության գլխավոր տնօրինության 1995 թվականի սեպտեմբերի 14-ի պայմանագրով։
Երկու երկրների կառավարությունների միջև հանրապետության տարածքում գտնվող օբյեկտը Մոսկվային սեփականության իրավունքով փոխանցման և դրա օգտագործման կարգի մասին նոր համաձայնագիր է ստորագրվել 2022 թվականի հունվարին։ Ընդդիմությունը, սակայն, դեմ էր խորհրդարանի կողմից համաձայնագրի վավերացմանը՝ համարելով, որ փաստաթուղթը պարունակում է կետեր, որոնք հակասում են Աբխազիայի Սահմանադրությանը։
