24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Գերմանիայում ջրհեղեղի պատճառով հարյուրավոր մարդիկ են տարհանվել
Քաղաքականություն
27.12.2023 | 12:27
Ծննդյան տոներին մի քանի օր տեղացած հորդառատ անձրևի հետևանքով Գերմանիայի մի քանի շրջաններ հեղեղվել են։ Որոշ բնակավայրերից տարհանում է իրականացվել, գրում է DW-ի ռուսական ծառայությունը։
Թյուրինգիա նահանգի Վինդհաուզեն գյուղի 500 բնակիչներից 400-ը տարհանվել է Սորգ գետի վարարման պատճառով, հաղորդում է dpa-ն: Գյուղի մուտքը փակվել է, որպեսզի հետաքրքրասեր զբոսաշրջիկները չխանգարեն շտապօգնության աշխատանքին։ Սաքսոնիա-Անհալթում էլ տարհանվել է Թյուրունգեն գյուղի մոտ 180 բնակիչ։ Ներքին Սաքսոնիայի Ռինթելն քաղաքում էլ Վեզեր գետին հարող փողոցի ավելի քան 100 բնակիչ ստիպված է եղել լքել տները։ Բրաունշվեյգի շրջանում մի քանի ճանապարհներ արգելափակված են։ Հյուսիսային Հռենոս-Վեստֆալիայում մի քանի ամբարտակներ նույնպես վտանգի տակ են հայտնվել:
Պետական գերատեսչությունները զգուշացնում են, որ առաջիկա օրերին մի քանի շրջաններում հեղեղումների վտանգը կպահպանվի։
