15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
Եգիպտոսի ծովափնյա հանգստավայրից ոչ հեռու անօդաչու թռչող սարք է խոցվել․ Reuters
Քաղաքականություն
26.12.2023 | 17:57
Եգիպտոսի Դահաբ հանգստավայրային քաղաքի շրջանում, որը տեղակայված է Սինայի թերակղզուց հարավ-արևելք, անօդաչու թռչող սարք է ոչնչացվել։ Այս մասին հայտնում է Reuters գործակալությունը՝ վկայակոչելով իր աղբյուրներին։
Ավելի վաղ «Ալ-Կահիրա ալ-Իհբարիա» հեռուստաալիքը, հղում անելով ականատեսներին, հայտնել էր, որ ինչ-որ օբյեկտ է խոցվել ափից 2 կմ հեռավորության վրա։ Քաղաքի երկնքում պայթյունների ձայներ են լսվել։
Reuters-ը նշում է, որ երկրի անվտանգության աղբյուրները չեն կարողացել պարզել ԱԹՍ-ի ծագումը։
Հոկտեմբերի վերջին Իսրայելը հայտարարել էր, որ Եմենի հութիների շարժումը, որը վայելում է Իրանի աջակցությունը, անօդաչու սարքեր է արձակել իր երկրի տարածքին հարվածելու համար։ Իսրայելը նման հայտարարություն էր արել, երբ ԱԹՍ-ների պայթյուններ էին հնչել Կարմիր ծովի երկու եգիպտական քաղաքներում՝ Տաբայում և Նուվեյբայում:
