15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Իսրայելը կուժեղացնի հարձակումը ՀԱՄԱՍ-ի դեմ. Նեթանյահուն երկար պատերազմի մասին է հայտարարել
Քաղաքականություն
26.12.2023 | 13:31
Առաջիկա օրերին իսրայելական բանակը կուժեղացնի հարձակումը Գազայի հատվածում ՀԱՄԱՍ ահաբեկչական շարժման դիրքերի դեմ։ Այս մասին հայտարարել է Իսրայելի վարչապետ Բենիամին Նեթանյահուն՝ ելույթ ունենալով «Լիքուդ» կուսակցության անդամների առջև, գրում է DW-ի ռուսական ծառայությունը։
«Նրանք բոլորը (իսրայելցի զինվորականները) ինձանից մի բան խնդրեցին՝ շարունակել պայքարել մինչև վերջ: Մենք կանգ չենք առնելու, մենք կշարունակենք մեր հարձակումը և կուժեղացնենք այն առաջիկա օրերին: Այս պատերազմը երկար է լինելու, այն չի մոտենում ավարտին», – ասել է Իսրայելի վարչապետը:
Նույն օրը ավելի ուշ, ելույթ ունենալով Իսրայելի խորհրդարանում, Նեթանյահուն ասել է, որ ՀԱՄԱՍ-ի կողմից պատանդների ազատ արձակումն անհնար է առանց ահաբեկչական խմբավորման վրա ռազմական ճնշման ուժեղացման։
Դրա համար նրան սուլել են դահլիճում ներկա իսրայելցի պատանդների հարազատները, որոնք վանկարկել են «Հիմա՛, հիմա՛»՝ պահանջելով անհապաղ միջոցներ ձեռնարկել իրենց հարազատներին ամեն գնով ազատ արձակելու համար։
