24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Իրանից արձակած ԱԹՍ-ն Հնդկական օվկիանոսում տանկեր է խոցել․ Պենտագոն
Քաղաքականություն
25.12.2023 | 13:27
Անօդաչու թռչող սարքը, որը նախօրեին Հնդկական օվկիանոսում խոցել էր քիմիական տանկերը, արձակվել էր Իրանից։ Այս մասին Euronews-ի փոխանցմամբ հայտնում են Պենտագոնից։
«CHEM PLUTO ջերմանավը՝ Լիբերիայի դրոշի տակ նավարկող քիմիական տանկերը, որը պատկանում է Ճապոնիային և շահագործվում է Նիդեռլանդների կողմից, խոցվել է տեղական ժամանակով մոտավորապես ժամը 10-ին Հնդկական օվկիանոսում՝ ափից 200 ծովային մղոն հեռավորության վրա Իրանի տարածքից արձակված հարձակողական անօդաչու թռչող սարքի միջոցով»,- Reuters-ին ասել է Պենտագոնի ներկայացուցիչը:
Իրանի արտաքին գործերի նախարար Հոսեյն Ամիրաբդոլլահիանը հերքել է իր երկրի մասնակցությունը շաբաթ օրը տեղի ունեցած հարձակմանը։ Նա նաև հերքել է Եմենում հութիների կողմից Կարմիր ծովում նավերի դեմ հարձակումներին:
«Ուրիշների կատարած գործողությունները չպետք է վերագրվեն Իրանի վստահված խմբերին: Մենք տարածաշրջանում վստահված խմբավորումներ չունենք»,- ասել է Հոսեյն Ամիրաբդոլլահիանը:
