18.05.2024 | 12:51
Ճանապարհը կառուցենք՝ անվտանգություն կլինի. Գնել Սանոսյանն այցելել է Կիրանց
Կոպիրկինը պնդում է՝ ՀՀ-ի հետ ռազմատեխնիկական համագործակցության գրեթե բոլոր պայմանագրերը ժամանակին կատարվել են
Քաղաքականություն
22.12.2023 | 12:02
Ռազմատեխնիկական ոլորտում Ռուսաստանի և Հայաստանի միջև կնքված գրեթե բոլոր պայմանագրերը կատարվե են ժամանակին և բարձր որակով։ Այս մասին ՏԱՍՍ-ին տված հարցազրույցում հայտարարել է Հայաստանում ՌԴ դեսպան Սերգեյ Կոպիրկինը։
«Մեր երկրների միջև ռազմատեխնիկական համագործակցությունը ունի երկարամյա ավանդույթներ և հիմնված է 2013 թվականի հունիսի 25-ին Ռուսաստանի Դաշնության և Հայաստանի Հանրապետության միջև ռազմատեխնիկական համագործակցության զարգացման մասին համաձայնագրի վրա։ Գրեթե բոլոր կնքված պայմանագրերն արդեն ավարտված են ժամանակին և բարձր որակով, կամ գտնվում են դրանց իրականացման վերջնական փուլում»,-ասել է դեսպանը։
Նա նշել է, թե կողմերը քննարկում են նաև նոր համաձայնագրերի կնքումը։
«Քննարկվում են նաև ռազմատեխնիկական համագործակցության ոլորտում մեր երկրների միջև նոր համաձայնագրերի կնքումը։ Որոշ առանձին պայմանագրերի հետ կապված իսկապես կան հարցեր՝ կապված ռուսական ձեռնարկությունների՝ պաշտպանության պետական պատվերը կատարելու պարտավորությունների հետ, բայց դրանք աշխատանքային հարցեր են, որոնք լուծվում են Ռուսաստանի և Հայաստանի համապատասխան գերատեսչությունների միջև երկխոսության արդյունքում»-ասել է ՌԴ դեսպանը։
Կոպիրկինի այս հայտարարությունն ուշագրավ է նրանով, որ ավելի քան 1 տարի է, ՀՀ իշխանությունները խոսում են հարյուրավոր մլն դոլարի չմատակարարված սպառազինության մասին։ Ըստ տարբեր աղբյուրների՝ խոսքը 200-400 մլն դոլարի պայմանագրի մասին է։
