18.12.2025 | 20:30
Պուտինի հանցագործ ռեժիմը սնվում է պատերազմից՝ նոր էսկալացիայի կգնա, որ պատերազմը չդադարի․ Վահե Գասպարյան. ՏԵՍԱՆՅՈՒԹ
Ալիևը Ստեփանակերտից հերթական հայատյաց հայտարարություններն է հնչեցրել
21.12.2023 | 16:18
Ադրբեջանի նախագահ Իլհամ Ալիևը հայաթափված Ստեփանակերտի մարզադաշտից հերթական անգամ հայատյաց և պատմությունը խեղաթյուրող հայտարարություններով է հանդես եկել։
«Խանքենդին (Ստեփանակերտ) հնագույն ադրբեջանական հող է։ Ղարաբաղի խանը ժամանակին հիմնել է այս երբեմնի գյուղը, որից հետո Ադրբեջանի Հանրապետության հաշվին ադրբեջանցի ճարտարապետների և շինարարների կողմից կառուցվել է մեծ քաղաք»,- հայտարարել է նա:
Ըստ Ալիևի՝ այն, որ արցախցիները բնակվում էին իրեն սեփական հայրենիքում, «օկուպացիա է և անջատողականություն»։
«Մենք ապացուցեցինք Հայաստանին և ամբողջ աշխարհին, որ Ղարաբաղը մեր պապենական հողն է, որի տերերը մենք ենք»,-ասել է Ալիևը։
Հիշեցնենք, որ Ալիևը կնոջ հետ Ստեփանակերտի մարզադաշտում դիտել է Ադրբեջանի ֆուտբոլի գավաթի խաղարկության 1/8 եզրափակչի «Քարաբաղի» և Բաքվի «ՄՕԻԿ»-ի հանդիպումը։
Էմմա Չոբանյան
