30.05.2026 | 13:56
Նավթի գները նվազել են
Զախարովան ԵՄ-ին մեղադրել է «Հայաստանի և Ադրբեջանի հարաբերություններին միջամտելու մեջ»
Քաղաքականություն
20.12.2023 | 18:04
Ռուսաստանի ԱԳՆ պաշտոնական ներկայացուցիչ Մարիա Զախարովան եվրոպացի պաշտոնյաներին «աճպարարներ» է անվանել այն բանից հետո, երբ Հայաստանն ու Ադրբեջանը հայտնվել, ապա հանվել են երրորդ երկրների ցանկից, որոնք միացել են «Մագնիտսկու եվրոպական ակտին»։
«Մենք տեսանք, որ ԵՄ անդամները որոշակիորեն ճշգրտել են հայտարարության տեքստը մի շարք երրորդ երկրների միանալու վերաբերյալ, որոնք աջակցում են ԵՄ պատժամիջոցներին։ Սկզբնական տարբերակում Հայաստանն ու Ադրբեջանը հայտնվեցին, հետո հրաշքով անհետացան։ Իհարկե, այս հարցը պետք է ուղղել բրյուսելյան «աճպարարներին»։ Սա ինչ-որ կախարդանք է՝ փաստաթղթերի տարբեր տարբերակների հետ ձեռնածություն անելը»,- հայտարարել է Զախարովան։
Նա նաև մեղադրել է ԵՄ-ին Հայաստանի և Ադրբեջանի հարաբերություններին միջամտելու մեջ։
«ԵՄ-ի նպատակն ու խնդիրները կապված չեն հարաբերությունների կարգավորման, ճգնաժամի հանգուցալուծման հետ, դա ընդամենը ցանկություն է՝ մեկ այլ հակառուսական բարձունք գրավելու, հակառուսական դիրքերում ամրանալու, ամեն դրականը կանխելու, որը մշակվել է Ռուսաստանի Դաշնության միջնորդությամբ։ Փորձելով ստիպել իր հարևաններին հետևել պատժամիջոցների հակառուսական կուրսին՝ ԵՄ-ն անում է այն ամենը, ինչ կարող է, ներառյալ՝ ուղղակի կեղծիքները: Սա պատահականություն կամ սխալ չէ»,- հայտարարել է ռուսաստանցի պաշտոնյան։
Էմմա Չոբանյան
