02.11.2024 | 11:21
Նավթի գները նվազել են
Պետերբուրգում ՌԴ քաղաքացիություն ստանալիս 11 տղամարդու զինկոմի ծանուցագրեր են հանձնել
Քաղաքականություն
20.12.2023 | 18:35
Սանկտ Պետերբուրգում ՌԴ քաղաքացիություն ստանալու հանդիսավոր ընդունելության ժամանակ, որը տեղի է ունեցել ՆԳՆ Կալինինսկի շրջանի շենքում, զինվորական կոմիսարիատում հաշվառման ծանուցագրեր են բաժանվել, գրում է Meduza-ն։
Արարողության ժամանակ ոստիկանությունը հայտնել է, որ քաղաքացիություն ստացող «հարևան երկրներից եկածները » հավատարմության երդում են տվել Ռուսաստանին, ի թիվս այլնի, խոստանալով նաև «պաշտպանել Ռուսաստանի Դաշնության ազատությունն ու անկախությունը»:
«Այդ նոտայի վրա էլ արարողությանը ներկա զինկոմիսարիատների ներկայացուցիչները, ՌԴ Սանկտ Պետերբուրգի կայազորի քննչական կոմիտեի զինվորական քննչական գլխավոր վարչության ղեկավարության մասնակցությամբ, հանձնել են զինվորական հաշվառման ներկայանալու ծանուցագրերը»,- ասվում է հաղորդագրության մեջ։
Ընդհանուր առմամբ, ՌԴ 11 նոր քաղաքացի է ծանուցագիր ստացել։
Հավելենք, որ վերջին ամիսներին ԶԼՄ-ները պարբերաբար հայտնում են ոստիկանության կողմից անցկացված ռեյդերի մասին, որոնց ընթացքում ՌԴ քաղաքացիություն ստացածներին զինկոմի ծանուցագրեր են բաժանվում։ Ստուգումները հիմնականում անցկացվում են շուկաներում, պահեստներում, նաև ռեստորաններում ու մզկիթներում։
Էմմա Չոբանյան
