25.04.2025 | 17:16
ԱԺ-ն Անդրանիկ Քոչարյանի վարքի վերաբերյալ էթիկայի հանձնաժողով չի ստեղծի, ՔՊ-ն մերժեց նախագիծը․ ՏԵՍԱՆՅՈՒԹ
Թուրքիայի իշխանությունները փետրվարյան երկրաշարժերի հասցրած վնասը գնահատում են 110 միլիարդ դոլար
Քաղաքականություն
20.12.2023 | 19:49
Փետրվարին տեղի ունեցած երկրաշարժերի հետևանքով Թուրքիայի կրած վնասը կազմել է 110 մլրդ դոլար։ Այս մասին հայտնել է երկրի շրջակա միջավայրի և քաղաքաշինության նախարար Մեհմեդ Օզհասեքին։ Նրա խոսքով՝ սեյսմիկ ռիսկի գոտում է մնում երկրի տարածքի 66%-ը և քաղաքացիների 71%-ը, գրում է kommersant-ը։
Թուրք պաշտոնյան այս թեման բարձրացրել է խորհրդարանում նախարարության 2024 թվականի բյուջեի քննարկման ժամանակ։ Նա հայտնել է, որ վարչությունը պատրաստել է ճանապարհային քարտեզ՝ նախապատրաստվելով Ստամբուլի հնարավոր երկրաշարժին։
«Այն նախատեսում է հինգ տարվա ընթացքում 1,5 միլիոն շենքերի վերանորոգում»,- պարզաբանել է նախարարը:
Նա հավելել է, որ արդեն ընտրվել են տարածքներ, որտեղ նախնական փուլում մտադիր են կառուցել շուրջ 300 հազար տուն։ Թե երբ պետք է ավարտվեն այս աշխատանքները, նախարարը չի նշել։
Փետրվարի 6-ին Թուրքիայի հարավ-արևելքում 7,6 և 7,7 մագնիտուդով երկրաշարժեր են գրանցվել։ Ցնցումները զգացվել են նաև Սիրիայում։ Պաշտոնական տվյալներով՝ զոհվել է ավելի քան 17 հազար մարդ։ Փետրվարի 20-ին երկու երկրների սահմանին կրկին երկրաշարժեր են տեղի ունեցել։
ՄԱԿ-ը հայտարարել է, որ ընդհանուր վնասը կարող է գերազանցել 100 միլիարդ դոլարը: Միաժամանակ, Թուրքիայի տուրօպերատորների միությունն առաջարկել է հյուրանոցների համար սեյսմակայունության հավաստագրեր ներդնել:
