08.12.2025 | 12:17
Անահիտ Մանասյանի ճեպազրույցը. ՈՒՂԻՂ
«Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ժամանակավոր ցուցադրություն
Մշակույթ
20.12.2023 | 14:02
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ժամանակավոր ցուցադրությունը՝ նվիրված պատմական Հայաստանի կորուսյալ տարածքների հայկական մշակութային ժառանգության ներկայացմանը․ տեղեկացնում են ՀՀ ԿԳՄՍՆ-ից։
Ցուցադրության պաշտոնական բացման արարողությանը ներկա են եղել ՀՀ ԿԳՄՍ նախարարի տեղակալներ Ալֆրեդ Քոչարյանը, Արթուր Մարտիրոսյանը և Դանիել Դանիելյանը, ինչպես նաև ԱԺ պատգամավորներ, պաշտոնական անձինք, մշակութային գործիչներ և արվեստասեր հանրություն:
Ցուցադրությանը ներկայացված է Նախիջևանի, Գարդմանի և Շիրվանի հայկական մշակութային ժառանգությունը փաստող մեծարժեք ընտրանի, այդ թվում` պատմական քարտեզներ, միջնադարյան կոթողներ, գորգեր, զարդեր, լուսանկարներ։ Ցուցադրության նպատակն է ներկայացված նմուշների միջոցով լայն հասարակությանը ևս մեկ անգամ իրազեկել իր հայրենի բնօրրանում հայ ժողովրդի ստեղծած ինքնատիպ մշակույթի և դրան պատուհասած վտանգների մասին։
Նշենք նաև, որ ցուցադրությունը կազմակերպվել է Հայաստանի պատմության թանգարանի և «Գարդման-Շիրվան-Նախիջևան» համահայկական միության համագործակցությամբ։
