Իսրայելը ՀԱՄԱՍ-ին զինադադար է առաջարկել՝ պատանդներին ազատ արձակելու դիմաց․ Axios

Լուրեր

21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
Բոլորը

Իսրայելը պաղեստինյան ՀԱՄԱՍ շարժմանն առաջարկել է մեկշաբաթյա զինադադար՝ զինյալների կողմից գերեվարված մոտ 40 պատանդների ազատ արձակման դիմաց։ Այս մասին հայտնում է Axios-ը՝ վկայակոչելով իսրայելցի երկու պաշտոնյաների և իրավիճակին ծանոթ մեկ աղբյուրի։

Պարբերականի զրուցակիցները պնդում են, որ իսրայելական հետախուզական Մոսադ ծառայության ղեկավար Դեյվիդ Բարնեան ԿՀՎ տնօրեն Ուիլյամ Բըրնսի և Կատարի վարչապետ Մուհամեդ բեն Աբդել Ռահմանի հետ հանդիպմանը համապատասխան առաջարկ է արել։ Հանդիպումը, ըստ Axios-ի, տեղի է ունեցել Վարշավայում դեկտեմբերի 18-ին։

Պատանդների խումբը, որն Իսրայելը մտադիր է ազատ արձակել գործարքի շրջանակում, կներառի ՀԱՄԱՍ-ի կողմից պահվող մնացած կանանց, 60 տարեկանից բարձր տղամարդկանց և այլ պատանդների, ովքեր շտապ բժշկական օգնության կարիք ունեն: Իսրայելը նաև առաջարկել է իսրայելական բանտերից ազատել որոշակի թվով պաղեստինցի բանտարկյալների՝ պատանդներին ազատ արձակելու դիմաց։

Ըստ իսրայելցի պաշտոնյաների՝ իսրայելական բանտերում կան տասնյակ պաղեստինցիներ, ովքեր «ծեր են ու հիվանդ» և ովքեր կարող են ազատ արձակվել մարդասիրական գործարքի շրջանակում, հայտնում է Axios-ը։

Բանակցությունների ընթացքին ծանոթ աղբյուրի համաձայն՝ Կատարի վարչապետը Վարշավայում կայացած հանդիպմանը փոխանցել է ՀԱՄԱՍ-ի դիրքորոշումն առ այն, որ Իսրայելը պետք է դադարեցնի հարձակումները՝ նախքան պատանդների վերաբերյալ բանակցություններ սկսելը։ Ի պատասխան՝ Բարնեան ասել է, որ ՀԱՄԱՍ-ը պետք է վայր դնի զենքերը և Գազայի հատվածում իր առաջնորդներին հանձնի Իսրայելին, եթե շարժումը ցանկանում է դադարեցնել պատերազմը։