29.04.2026 | 14:33
Բաքվում Նիդերլանդների դեսպանը մեկնաբանել է երկրի խորհրդարանի կողմից Արցախի մասով ընդունված բանաձևը
Արմեն Գրիգորյանի այցից հետո Հիքմեթ Հաջիևը Լոնդոնում հանդիպումներ է անցկացնում
Քաղաքականություն
20.12.2023 | 14:11
Ադրբեջանի նախագահի օգնական, աշխատակազմի արտաքին քաղաքականության վարչության ղեկավար Հիքմեթ Հաջիևը Լոնդոնում հանդիպել է Մեծ Բրիտանիայի վարչապետի ազգային անվտանգության հարցերով խորհրդական սըր Թիմ Բարոուի հետ։ Ադրբեջանական լրատվամիջոցների հաղորդմամբ՝ այս մասին հայտնել է Բրիտանիայում Ադրբեջանի դեսպան Էլին Սուլեյմանովը։
Դեսպանը նշել է, որ հանդիպման ընթացքում կողմերը քննարկել են Ադրբեջանի և Մեծ Բրիտանիայի երկկողմ հարաբերությունները, ինչպես նաև տարածաշրջանային հարցերի լայն շրջանակ, այդ թվում՝ Ադրբեջանի և Հայաստանի միջև հարաբերություններում առաջընթացը և Բաքվում կայանալիք COP29 կլիմայական համաժողովը:
Հաջիևը հանդիպել է նաև Միացյալ Թագավորական պաշտպանական հետազոտությունների ինստիտուտի (RUSI) ներկայացուցիչների հետ, ինչպես նաև խորհրդարանի Լորդերի պալատի անդամ բարոնուհի Մանզիլա Պաուլա Ուդինիի և Ադրբեջանի հարցերով խորհրդարանական խմբի փոխնախագահ Դեյվիդ Դուգիդի հետ։
Հիշեցնենք, որ դեկտեմբերի սկզբին աշխատանքային այցով Լոնդոնում էր ՀՀ Անվտանգության խորհրդի քարտուղար Արմեն Գրիգորյանը։ Այցի ընթացքում Գրիգորյանը ևս հանդիպել էր Մեծ Բրիտանիայի և Հյուսիսային Իռլանդիայի Միացյալ Թագավորության վարչապետի ազգային անվտանգության հարցերով խորհրդական Սըր Թիմ Բարոունին:
Էմմա Չոբանյան
