23.11.2024 | 12:34
ԱԺ պատգամավորներ կգործուղվեն Մոսկվա
Ռուսական բազայի ՌՈ-ի կողմից ձերբակալված և Գյումրիի 102-րդ ռազմաբազայում պահվող Սետրակովին ՌԴ են տեղափոխել
Քաղաքականություն
20.12.2023 | 10:23
Ռուս զինծառայող Դմիտրի Սետրակովին, որին Գյումրիի ռուսական 102-րդ ռազմաբազայի ռազմական ոստիկանության ծառայողները կալանավորել էին ՀՀ-ում, տեղափոխել են Ռուսաստան։ Այս մասին հայտնում է «Իդիտե լեսոմ» նախագիծը, որն օգնել էր Ուկրաինայի դեմ պատերազմել չցանկացող ծառայողին փախուստի դիմել երկրից, գրում է Մեդուզան։
Ըստ աղբյուրի՝ Սետրակովն այժմ գտնվում է Դոնի Ռոստովում՝ այն հասցեում, որտեղ տեղակայված է Հարավային ռազմական օկրուգի ռազմական ոստիկանության շրջանային վարչությունը։ Նախագիծը հավելում է, որ Սետրակովի համար փաստաբան են փնտրում։
Ինչպես ավելի վաղ հայտնել էր «Իդիտե լեսոմ» նախագիծը, 2022 թվականի սեպտեմբերին Դմիտրի Սետրակովը մոբիլիզացվել էր Ուկրաինայում կռվելու համար։ 2023 թվականի ապրիլին նա առանց թույլտվության լքել էր իր ստորաբաժանումը և մոտ վեց ամիս թաքնվել։ Հոկտեմբերին նա հանձնվել էր, որից հետո պահվել էր ռազմական ոստիկանության կորպուսի զորամասում։
Նոյեմբերի 30-ին «Իդիտե լոսոմի» միջնորդությամբ նա մեկնել էր Հայաստան, բայց դեկտեմբերի 7-ին նրան բերման էր ենթարկել 102-րդ ռազմաբազային ռազմական ոստիկանությունն ու տեղափոխել Գյումրիի ռուսական ռազմաբազայի տարածք։
Ըստ հայ իրավապաշտպանների՝ ռուսական ռազմական ոստիկանության կողմից Սետրակովի կալանավորումը ՀՀ տարածքում անօրինական է։
«Ըստ էության՝ ռուս զինվորականները մարդ են առևանգել ինքնիշխան պետության մեջ, և այժմ նրան հետ են տարել Ռուսաստանի Դաշնություն։ Մենք հույս ունեինք, որ հրապարակայնությունը կխանգարի նրան Ռուսաստան արտաքսել։ Ցավոք, չստացվեց»,- պատմում են «Իդիտե լեսոմ» նախագծից։
