23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՄԱԿ-ի ԱԽ-ն կրկին կքվեարկի Գազայում հրադադարի մասին բանաձևի շուրջ
Քաղաքականություն
19.12.2023 | 19:45
ՄԱԿ-ի Անվտանգության խորհուրդը երեքշաբթի կրկին կքվեարկի Գազայում ռազմական գործողությունները դադարեցնելու օգտին: Նախորդ բանաձևերի վրա վետո էր դրել Իսրայելի գլխավոր դաշնակից ԱՄՆ-ի կողմից, փոխանցում է BBC-ի ռուսական ծառայությունը:
Բանաձևի սկզբնական նախագիծը, որը պետք է քվեարկության դրվի, կոչ է անում «հրատապ և կայուն դադարեցնել ռազմական գործողությունները», որպեսզի թույլատրվի մարդասիրական օգնության անխոչընդոտ հասանելիություն Գազայի բնակիչներին: Այնուամենայնիվ, որոշ տեղեկությունների համաձայն՝ ձևակերպումները կարող են մեղմվել և վերածվել «ռազմական գործողությունների դադարեցման»՝ ԱՄՆ-ի աջակցությունն ապահովելու համար:
Ավելի վաղ ԱՄՆ-ի և Իսրայելի հետախուզության ղեկավարները հանդիպել են Կատարի վարչապետի հետ, որը միջնորդում է ՀԱՄԱՍ-ի հետ բանակցություններում՝ փորձելով ապահովել իսրայելցի պատանդների ազատ արձակումը: Սա առաջին նման հանդիպումն է անցյալ ամիս մեկշաբաթյա հրադադարի խախտումից հետո։
ՄԱԿ-ում Միացյալ Թագավորության նախկին մշտական ներկայացուցիչ Ջոն Սոյերսը BBC-ին ասել է, որ բանաձևը մշակող դիվանագետներն անում են ամեն ինչ, որպեսզի գոնե ԱՄՆ ներկայացուցիչները ձեռնպահ մնան քվեարկությունից, այլ ոչ թե վետո դնեն դրա վրա:
ՄԱԿ-ի Անվտանգության խորհրդի քվեարկությունից առաջ Ժնևի մարդասիրական կազմակերպությունները խստորեն են արտահայտվել Գազայում տիրող իրավիճակի և խաղաղ բնակիչների տառապանքների մասին:
ՅՈՒՆԻՍԵՖ-ից Ջեյմս Էլդերը հայտարարել է, որ Գազայի հատվածում չի պահպանվում անգամ միջազգային իրավունքի պահպանման տեսանելիությունը բժշկական հաստատությունների անվտանգության, սննդամթերքի և ջրի անվտանգությունն ապահովելու համար:
