24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
«Անում ենք այն, ինչ անհրաժեշտ ենք համարում, ինչ ուզում ենք»․ Պուտինը՝ ռազմաճակատում իրավիճակի մասին
Քաղաքականություն
19.12.2023 | 20:29
Արևելյան ճակատում տիրող իրավիճակի մասին ուկրաինացի զինվորականների մեկնաբանությունների ֆոնին ՌԴ նախագահ Վլադիմիր Պուտինը հայտարարություններ է արել պատերազմում հաջողությունների մասին։
«Գնահատելով մարտական շփման գծում տիրող իրավիճակը՝ վստահորեն կարող ենք ասել, որ նախաձեռնությունը մեր զորքերը ձեռքում է։ Ըստ էության, մենք անում ենք այն, ինչ կարծում ենք, որ անհրաժեշտ է, ինչ ուզում ենք։ Որտեղ անհրաժեշտ է, որտեղ դուք՝ հրամանատարներդ, ընդհանրապես հրամանատարները, նպատակահարմար եք համարում պահպանել ակտիվ պաշտպանական մարտավարությունը, դա տեղի է ունենում, և որտեղ անհրաժեշտ է՝ մենք բարելավում ենք մեր դիրքերը»,- ՌԴ ՊՆ կոլեգիայի ընդլայնված նիստի ժամանակ ասել է Պուտինը, գրում է BBC-ի ռուսական ծառայությունը։
Նրա պնդմամբ՝ «հակառակորդը մեծ կորուստներ է կրում և հակահարձակման ընթացքում մեծապես վատնել է իր պաշարները»։
Երեքշաբթի ավելի վաղ Ուկրաինայի ցամաքային զորքերի գլխավոր հրամանատար Ալեքսանդր Սիրսկին հայտարարել էր Ուկրաինայի արևելյան ճակատում ռուսական խոշոր կորուստների մասին։ Միաժամանակ, նա խոստովանել է, որ ռուսական զորքերի հարձակողական գործողությունները շարունակվում են Կուպյանսկի, Լիմանսկի և Բախմուտսկի ուղղություններով։ Սիրսկին իրավիճակը բարդ է անվանել։
«Պետք է կռվել այնպիսի պայմաններում, երբ հակառակորդնառավելություն ունի թե՛ զենքով, թե՛ անձնակազմի քանակով»,- ասել է նա։
