25.02.2026 | 09:27
Ապրիլի 1-ից կենսաթոշակները կբարձրանան․ Նիկոլ Փաշինյան
Սոբյանինը հայտնել է Մոսկվայի մերձակայքում ԱԹՍ-ի խոցման մասին
Քաղաքականություն
19.12.2023 | 16:27
Մոսկվայի քաղաքապետ Սերգեյ Սոբյանինը հայտնել է ԱԹՍ-ի խոցման մասին, գրում է BBC-ի ռուսական ծառայությունը։
«Օդինցովո քաղաքային շրջանում հակաօդային պաշտպանության ուժերը հետ են մղել անօդաչու թռչող սարքի հարձակումը։ Նախնական տվյալներով՝ բեկորների ընկնելու վայրում ավերածություններ կամ զոհեր չկան»,- Տելեգրամի իր ալիքում գրել է Սոբյանինը։
Ռուսաստանի ՊՆ-ն էլ այսօր առավոտյան հայտարարել էր, որ երեք ուկրաինական անօդաչու թռչող սարք են խոցել Բրյանսկի շրջանում, ևս մեկը՝ Կալուգայի շրջանում։ Ուկրաինան չի մեկնաբանել այս հայտարարությունները։
Ավելի վաղ էլ հայտնի էր դարձել Մոսկվայի օդանավակայանների աշխատանքի սահմանափակումների մասին։ «Վնուկովո»-ն հայտարարել էր թռիչքների դադարեցման մասին։
Օդինցովո շրջանը գտնվում է Մոսկվայից արևմուտք, իսկ «Վնուկովո»-ն՝ շրջանից մի փոքր հարավ։
Էմմա Չոբանյան
