29.04.2026 | 15:55
Պատասխաններն անսպասելի են. Վարդապետյանը` Աբրահամյանի տան վաճառքի, Նարեկ Նալբանդյանի հյուրանոցի մասին. ՏԵՍԱՆՅՈՒԹ
Կիբերհարձակման հետևանքով Իրանի ամբողջ տարածքում բենզալցակայանների աշխատանքը խափանվել է
Քաղաքականություն
19.12.2023 | 15:45
Իրանի բենզալցակայանների մեծ մասում սպասարկումն ընդհատվել է տեխնիկական խնդիրների պատճառով։ Այս մասին հայտնում է Shana News գործակալությունը, որը կապված է Իրանի նավթային նախարարության հետ։
«Երկրի որոշ լցակայաններում տեխնիկական խնդիրներ են առաջացել թշնամիների նենգ ծրագրերի պատճառով, որոնք ձգտում են ազդել Իրանի ժողովրդի բարօրության վրա»,- գրում է գործակալությունը՝ վկայակոչելով Իրանի նավթի վերամշակման և բաշխման ազգային ընկերության (NIORDC) հայտարարությունը:
Դրանում նշվում է, որ փորձագետները և հատուկ աշխատանքային խմբերը ջանքեր են գործադրում խնդրի լուծման համար։ Ընկերությունը խոստանում է, որ բոլոր գազալցակայանները, որոնց աշխատանքը խափանվել է, մի քանի ժամից կվերադառնան բնականոն աշխատանքի։
Ըստ NIORDC-ի՝ երկրի լցակայաններում վառելիքը «կմատակարարվի օֆլայն՝ մինչև հետագա ծանուցումը»:
NIORDC-ի ղեկավար Ջալիլ Սալարին տեղական լրատվամիջոցներին ասել է, որ սպասարկման ընդհատումներ տեղի են ունեցել իրանական լցակայանների 60 տոկոսի մոտ, որոնք առաջացել են վաճառքի կետերի և առցանց վճարման համակարգերի խափանումների պատճառով:
