23.07.2026 | 12:20
Նյու Յորքում ձերբակալել են Արգենտինայի ֆուտբոլային ասոցիացիայի նախագահին
ՀԱՊԿ-ը միջազգային դժվարին պայմաններում հետևել է անդամ երկրների անվտանգության ապահովման կուրսին․ գլխավոր քարտուղար
Քաղաքականություն
19.12.2023 | 16:07
Հավաքական անվտանգության պայմանագրի կազմակերպությունը (ՀԱՊԿ) դժվարին պայմաններում հաստատակամորեն և հետևողականորեն հետևել է ասոցիացիայի անդամ երկրների անվտանգության ամրապնդման կուրսին։ Այս մասին հայտարարել է կազմակերպության գլխավոր քարտուղար Իմանգալի Տասմագամբետովը Խորհրդի նիստում և ՀԱՊԿ Խորհրդարանական վեհաժողովի տասնվեցերորդ լիագումար նիստում, փոխանցում է ՏԱՍՍ-ը։
«Միջազգային բարդ պայմաններում ՀԱՊԿ-ը հաստատակամ ու հետևողականորեն պահել է հավաքական անվտանգության ամրապնդման և անդամ երկրների օրինական շահերի ապահովման կուրսը»,- ասել է նա։
Տասմագամբետովը նաև նշել է, որ աշխարհում ստեղծված իրավիճակը պահանջում է խորացնել համատեղ աշխատանքը տեղեկատվական, վերլուծական և կանխատեսման ոլորտներում։ Նա ընդգծել է, որ «ճիշտ որոշումներ կայացնելու համար անհրաժեշտ է միջազգային իրավիճակի զարգացման ուղղությունների և դրա հետ կապված հնարավոր ռիսկերի հստակ պատկերացում»:
Հիշեցնենք, որ Հայաստանը ՀԱՊԿ խորհրդարանական վեհաժողովին չի մասնակցում։
Էմմա Չոբանյան
