23.02.2026 | 21:29
Փաշինյանն «օլիգարխների որս» է սկսել. վարչապետի պնդումները երեկ և այսօր, իսկ վա՞ղը. ՏԵՍԱՆՅՈՒԹ
Թուրքիան և Հունգարիան 17 համաձայնագիր են ստորագրել, այդ թվում՝ ընդլայնված ռազմավարական գործընկերության մասին
Քաղաքականություն
19.12.2023 | 20:53
Թուրքիայի նախագահ Ռեջեփ Թայիփ Էրդողանը Հունգարիա կատարած այցի շրջանակում մասնակցել է է թուրք-հունգարական բարձր մակարդակի ռազմավարական համագործակցության խորհրդի վեցերորդ նիստին։ Անադոլու գործակալության հաղորդմամբ՝ Էրդողանի և Հունգարիայի վարչապետ Վիկտոր Օրբանի գլխավորությամբ անցկացված Խորհրդի նիստից հետո երկու երկրների միջև ստորագրվել է համագործակցության մասին 17 համաձայնագիր։
Մասնավորապես, Էրդողանն ու Օրբանը ստորագրել են Համատեղ քաղաքական հռչակագիր Թուրքիայի և Հունգարիայի միջև ռազմավարական գործընկերության մակարդակի բարձրացման մասին։
Բացի այդ, կնքվել են մի շարք հուշագրեր, այդ թվում՝ սոցիալական ծառայությունների ոլորտում համագործակցության մասին, պաշտպանական տեխնոլոգիաների ոլորտում հետազոտությունների, մշակումների և նորարարությունների ոլորտում համագործակցության մասին, պաշտպանական արդյունաբերության ոլորտում համագործակցության մասին, տեսաձայնային քաղաքականության և կառավարական հաղորդակցությունների մասին, միջուկային էներգետիկայի ոլորտում համագործակցության մասին։
«Օրբանի հետ ստորագրած համատեղ քաղաքական հռչակագրի շնորհիվ մենք մեր հարաբերությունները ռազմավարական գործընկերության մակարդակից բարձրացրել ենք ընդլայնված ռազմավարական գործընկերության մակարդակի»,- ասել է Էրդողանը համատեղ մամուլի ասուլիսում։
Նա նաև նշել է, որ Օրբանի հետ բանակցությունների ժամանակ քննարկել են ընթացիկ հարցեր, այդ թվում՝ Թուրքիա-ԵՄ հարաբերությունները, Ուկրաինայում և Գազայի հատվածում զարգացումները։
Էմմա Չոբանյան
