24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Ինչպես է Իսլանդիայի Ռեյկյանես թերակղզում ժայթքում հրաբուխը․ ՏԵՍԱՆՅՈՒԹ
Քաղաքականություն
19.12.2023 | 14:10
Իսլանդիայի հարավ-արևմուտքում գտնվող Ռեյկյանես թերակղզում հրաբուխ է ժայթքել։ Այս մասին հայտնել է երկրի օդերևութաբանական վարչությունը։ Գերատեսչությունում նշել են, որ լավայի հոսքերը Ժայթքում են Գրինդավիկ քաղաքից մոտ չորս կիլոմետր դեպի հյուսիս-արևելք, գրում է DW-ի ռուսական ծառայությունը:
Ժայթքումը սկսվել է տեղական ժամանակով 22:17-ին, դրան նախորդել են մի շարք երկրաշարժեր, հավելել են օդերևութաբանները։ Հրապարակման պահին նրանք չեն նշել, թե որ հրաբխի մասին է խոսքը։
Թերակղզում են գտնվում Ռեյկյանես և Ֆագրադալսֆյադլ հրաբուխները։
Քաղաքացիական պաշտպանության գրասենյակը կոչ է արել Գրինդավիկի բնակիչներին լքել քաղաքը։ Լավայի հոսքը կարող է ուղղվել դեպի այս բնակավայր, Ras 2 ռադիոկայանի եթերում հայտնել է օդերևութաբանական վարչության ներկայացուցիչը:
Քաղաքի զանգվածային տարհանումը տեղի է ունեցել նոյեմբերի առաջին կեսին, սակայն, ըստ տեղական լրատվամիջոցների, Գրինդավիկում ժայթքման պահին դեռևս մարդիկ են եղել։
