23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Սպիտակ տունը կհայտարարի Կիևին օգնության փաթեթի մասին, բայց դրանից հետո գումարը կսպառվի. Ջոն Քիրբի
Քաղաքականություն
19.12.2023 | 14:59
ԱՄՆ Ազգային անվտանգության խորհրդի խոսնակ Ջոն Քիրբին երկուշաբթի հաստատել է, որ դեկտեմբերին Վաշինգտոնի միջոցները կսպառվեն Ուկրաինային ֆինանսավորելու համար, եթե Կոնգրեսը արտակարգ միջոցներ չձեռնարկի։ Քիրբին ասել է, որ Բայդենի վարչակազմը ծրագրում է դեկտեմբերին հայտարարել ռազմական օգնության ևս մեկ փաթեթի մասին, սակայն դրանից հետո Ուկրաինայի ֆինանսավորումը կդադարեցվի։
«Երբ դա արվի, մենք այլևս լիազորություն չենք ունենա պահուստները համալրելու: Եվ մեզ անհրաժեշտ է, որ Կոնգրեսը քայլեր ձեռնարկի առանց հապաղելու»,- Ջոն Քիրբի խոսքերն է մեջբերում ամերիկյան Politico-ն:
Պենտագոնի գլխավոր աուդիտոր Մայքլ Մաքքորդն ավելի վաղ հայտնել էր, որ ԱՄՆ Պաշտպանության նախարարությունը ծախսում է իր վերջին 1,07 միլիարդ դոլարը նոր սպառազինությունների և սարքավորումների ձեռքբերման համար, իսկ դեկտեմբերի 30-ին նրա հաշիվները դատարկ կլինեն։
