07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Սերբիայում իշխող կոալիցիան տոնել է խորհրդարանական ընտրություններում իր հաղթանակը
Քաղաքականություն
18.12.2023 | 14:35
Սերբիայի իշխող ուժի ներկայացուցիչները տոնել են երկրի խորհրդարանական ընտրություններում հաղթանակը՝ չնայած քվեարկության ընթացքում լուրջ խախտումների մասին հաղորդումներին, գրում է Euronews-ը։
Խորհրդարանի և երկրի 65 մունիցիպալիտետների արտահերթ ընտրություններում հիմնական պայքարը ծավալվել է «Ալեքսանդր Վուչիչ-Սերբիան չպետք է կանգ առնի» կոալիցիայի և կենտրոնամետ «Սերբիան ընդդեմ բռնության» դաշինքի միջև:
Ընտրություններին մասնակցությունը կազմել է ավելի քան 55 տոկոս։
«Սերբիան չպետք է կանգ առնի» կոալիցիան, անկասկած, կունենա ավելի քան 127 մանդատ: Լինի դա 128, 129, թե՝ 130, անկախ այս ընտրությունների արդյունքից՝ «Սերբիան չպետք է կանգ առնի»-ն բացարձակ մեծամասնություն կունենա հանրապետության խորհրդարանում»,- հայտարարել է գործող նախագահ Ալեքսանդր Վուչիչը։
Վերջին տվյալներով՝ աջ կենտրոնամետ Սերբական առաջադիմական կուսակցության շուրջ ստեղծված Վուչիչի կոալիցիան հավաքում է ձայների ավելի քան 46%-ը՝ կրկնապատիկ անգամ առաջ անցնելով «Սերբիան ընդդեմ բռնության» մրցակիցներին։
Ընդդիմությունն ամենամեծ դիմադրությունը ցույց է տվել Բելգրադի քաղաքային խորհրդում։ Վուչիչի բլոկը մի փոքր առավելությամբ առաջատար է։
