23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ ԱԳ փոխնախարարը վստահություն է հայտնել, որ Մոսկվայի ու Երևանի հարաբերություններում առկա դժվարությունները հաղթահարելի են
Քաղաքականություն
15.12.2023 | 19:44
ՌԴ արտաքին գործերի փոխնախարար Միխայիլ Գալուզինը վստահություն է հայտնել, որ Ռուսաստանի և Հայաստանի հարաբերություններում առկա ժամանակավոր դժվարությունները կարող են հաղթահարվել՝ երկրների միջև կապերի հետագա զարգացման հեռանկարով, գրում է ՏԱՍՍ-ը։
Նա նշել է Հայաստանի և Ռուսաստանի ժողովուրդների «պատմական, մշակութային, հումանիտար և տնտեսական բազմաթիվ կապերի մասին»:
«Սա ինձ վստահություն է ներշնչում, ոչ միայն ինձ՝ մեզ բոլորիս, որ մեր հարաբերություններում ինչ-որ ժամանակավոր դժվարություններ ոչ միայն հաղթահարելի են, այլև հաղթահարելի են մեր բազմազան կապերի հետագա զարգացման համար»,- ասել է Գալուզինը։
Նա նշել է, թե երկու ժողովուրդները «հանդես են գալիս դրանց հզորացման, զարգացման, ընդլայնման ու խորացման օգտին, և դրանում է հարաբերությունների հիմնական ուժը»։
«Մնացած ամեն ինչ հաղթահարելի է»,- հավելել է ռուսաստանցի դիվանագետը։
Էմմա Չոբանյան
