Մինչ Օրբանը Շոլցի առաջարկով սուրճ է խմել, ԵՄ գագաթնաժողովում Ուկրաինայի հարցով որոշում են կայացրել

Լուրեր

21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
Բոլորը

Ուկրաինայի՝ Եվրամիությանն անդամակցության շուրջ բանակցությունների մեկնարկի քննարկման ժամանակ Գերմանիայի կանցլեր Օլաֆ Շոլցը Հունգարիայի վարչապետ Վիկտոր Օրբանին հրավիրել է «կարճ ժամանակով դուրս գալ և սուրճ խմել»։ Այդ մասին կանցլերը խոստովանել է քննարկման մյուս մասնակիցներին՝ բանակցությունների կլոր սեղանի ժամանակ։ Այս մասին գրում է Politico-ն՝ հղում անելով  իր աղբյուրներին։

DW-ի ռուսական ծառայությունն էլ, հղում անելով ԵՄ դիվանագիտական ​​շրջանակներում մի քանի աղբյուրների, հայտնել է, որ ԵՄ առաջնորդներին Ուկրաինայի նկատմամբ Հունգարիայի դիրքորոշման պատճառով ստեղծված փակուղուց դուրս գալու ելքն առաջարկել է Գերմանիայի կանցլերը:

Հայտնի է, որ Ուկրաինայի հետ անդամակցության բանակցություններ սկսելու՝ Եվրոպական խորհրդի որոշման ժամանակ Հունգարիայի վարչապետ Վիկտոր Օրբանը լքել է դահլիճը, այդպիսով վետո չի դրել որոշման վրա։ Եվ քանի որ այն չի արգելափակվել Եվրամիության որևէ անդամի կողմից, որոշումը համարվում է օրինական, լրագրողներին պարզաբանել է ԵՄ բարձրաստիճան պաշտոնյան։

Աղբյուրի խոսքով՝ «Օրբանը կարճ ժամանակով լքել է դահլիճը՝ նախապես համաձայնեցված և կառուցողական կերպով»։

Առաջարկը, որ Հունգարիայի վարչապետը լքի գագաթնաժողովի սենյակը՝ մինչ մյուս առաջնորդները հաստատեն Ուկրաինայի անդամակցության բանակցությունների մեկնարկը, եկել է Շոլցից, DW-ին ասել են դիվանագետները Բրյուսելում: Միաժամանակ, նրանք ընդգծել են, որ Վիկտոր Օրբանը հստակ գիտեր, թե ինչ է լինելու, քանի դեռ ինքը բացակայում էր:

Դրանից կարճ ժամանակ անց Հունգարիայի վարչապետը տեսանյութ է հրապարակել Facebook-ում, որտեղ բացատրել է, որ ձեռնպահ է քվեարկել, քանի որ չի ցանկանում մասնակցել, իր կարծիքով, «վատ որոշմանը»: Նույնիսկ առավոտյան, գագաթնաժողովին ժամանելուն պես, Օրբանը հայտարարել էր, որ «այժմ պատճառ չկա Ուկրաինայի անդամակցության շուրջ բանակցություններ վարելու համար», քանի որ այն չի կատարել Եվրահանձնաժողովի կողմից առաջադրված բոլոր յոթ պայմանները։ Նախկինում Օրբանն Ուկրաինան անվանել էր աշխարհի ամենակոռումպացված երկիրը և նույնիսկ պահանջել, որ Կիևի հետ բանակցությունների հարցը հանվի գագաթնաժողովի օրակարգից։

Հավելենք, որ Վիկտոր Օրբանը երկար ժամանակ է՝ վատ հարաբերություններ ունի Ուկրաինայի հետ՝ նրան մեղադրելով հունգարական փոքրամասնությանը ճնշելու մեջ: Բացի այդ, Օրբանը երկար ժամանակ հակասությունների մեջ է Բրյուսելի հետ և այժմ փորձում է ուկրաինական լծակների օգնությամբ ապասառեցնել Հունգարիայի բաժնեմասը՝ 30 միլիարդ եվրոյի հատկացումները ԵՄ-ի ընդհանուր գումարներից:

Եվրահանձնաժողովը սառեցրել է այդ գումարը՝ Հունգարիային մեղադրելով օրենքի գերակայության սկզբունքը խախտելու, իսկ ավելի կոնկրետ՝ դատավորների անկախությունը ոտնահարելու մեջ։