02.11.2024 | 13:33
Հրդեհ Աքորի գյուղում, այրվել է տան տանիք
Ռուսական բանակն Ուկրաինայում գրոհում է միանգամից մի քանի ուղղություններով
Քաղաքականություն
14.12.2023 | 14:45
Ձմռան գալստին զուգահեռ Ուկրաինայում ռուսական բանակը նկատելիորեն ակտիվացել է․ դանդաղ, բայց համառորեն առաջ է շարժվում ռազմաճակատի միանգամից մի քանի հատվածներով։ Մարտական գծում տիրող իրավիճակի մասին գրում է BBC-ի ռուսական ծառայությունը։
«Հակառակորդն առաջխաղացում է գրանցել Բախմուտից հարավ, Կլեշչիևկայի մոտ, Ռաբոտինոյի արևմուտքում, Մարինկայի հարավային մասում և հարավում, Նովոմիխայլովկայից հյուսիս, գրավել է Ավդեևվկա արդյունաբերական գոտին»,- հայտնում է ուկրաինական OSINT DeepState պորտալը:
«Իրավիճակը բախման ամբողջ գծի երկայնքով ուղղակի վատ է»,- ասվում է հաղորդագրությունում։
Երկու կողմից լավատեղյակ աղբյուրներից ստացված հաղորդագրությունները ճակատներում տիրող իրավիճակի մասին հիմնականում չեն հակասում միմյանց: Ուկրաինացիները չեն թաքցնում, որ երկրի զինված ուժերը հարկադրված են նահանջել թշնամու ճնշման ներքո, ռուսներն էլ խոստովանում են, որ առաջխաղացման են հասնում հսկայական կորուստների գնով։
Ռուսական հարձակումները հիմնականում մարդկային ալիքներով են կատարվում ճակատային գծի ամբողջ երկայնքով՝ մասամբ զրահատեխնիկայի բացակայության, որոշ տեղերում՝ եղանակային պայմանների և, հավանաբար, ռուսական հրամանատարության՝ խոշոր մեքենայացված կազմավորումները մեկ տեղում կենտրոնացնելու անիմաստության գիտակցության պատճառով:
Հենց այսպես են գործել «Վագներ» ռազմականացված խմբավորման ստորաբաժանումները Բախմուտում։ Բայց այն ժամանակ ռուսական զորքերի հարձակումն ուղղված էր մի տարածքի վրա, այժմ նրանք նույն կերպ են վարվում բազմաթիվ ճակատներում։
