02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
«Մենք կոչնչացնենք ՀԱՄԱՍ-ին». Բենիամին Նեթանյահու
Քաղաքականություն
14.12.2023 | 15:05
Իսրայելը մտադիր է շարունակել «Երկաթե սրեր» գործողությունը Գազայի հատվածում՝ չնայած միջազգային ճնշման աճին, այդ թվում՝ ՄԱԿ-ի կողմից՝ հրադադարի պահանջով, գրում է Euronews-ը:
Հակամարտությունը սպառնում է պաղեստինցիների և իսրայելցիների անվտանգությանը տարիներ կամ նույնիսկ տասնամյակներ շարունակ, ասել է Պաղեստինի տարածքում ՄԱԿ-ի մարդասիրական համակարգող Լին Հասթինգսը։
Իսրայելի վարչապետ Բենիամին Նեթանյահուն հայտարարել է, որ Գազայի հատվածում գործողության նպատակները կիրականացվեն՝ ՀԱՄԱՍ խմբավորումը պետք է ոչնչացվի և բոլոր պատանդներն ազատ արձակվեն։
«Այս պատերազմը դժվար է լինելու: Բայց ես ընդունում եմ, և դուք, իհարկե, դա տեսնում եք նաև ձեր նյութերում, շրջադարձային կետի սկիզբը: Մենք մտադիր ենք գնալ մինչև վերջ և ոչնչացնել այս խմբավորումը»,- ասել է Իսրայելի վարչապետը զինվորականների հետ հանդիպմանը:
Իսրայելի պաշտպանության բանակը շարունակում է հարվածներ հասցնել Խան Յունիսին և հեղեղել ՀԱՄԱՍ-ի թունելները Գազայի հատվածում: Իսրայելական ԶԼՄ-ները հայտնում են, որ վերջին շրջանում ավելի քիչ հավանական են դարձել Իսրայելի պաշտպանության բանակի զորքերի ու ՀԱՄԱՍ-ի միջև անմիջական բախումները:
Իսրայելի անվտանգության ոլորտի պաշտոնյաները եգիպտացի գործընկերների հետ համաձայնեցված աշխատում են՝ կանխելու ՀԱՄԱՍ-ի առաջնորդների փախուստը Գազայի հատվածից: Համատեղ ջանքեր են գործադրվում՝ ՀԱՄԱՍ-ի կողմից պատանդների տեղափոխումը երրորդ երկրներ կանխելու համար։
Գազայի Առողջապահության նախարարությունը հայտնում է, որ այդ գոտում ռազմական գործողությունների մեկնարկից ի վեր զոհվել է 18,608 մարդ, վիրավորվել՝ ավելի քան 50,000-ը։
ՄԱԿ-ի պաշտոնյաներն ասում են, որ Գազայում վարակիչ հիվանդություններ են տարածվում, հիվանդանոցների մեկ երրորդից պակասը միայն մասամբ է գործում, ապաստարանները գերբնակեցված են, իսկ մարդկանց ճնշող մեծամասնությունը սննդի և ջրի պակաս ունի:
