02.11.2024 | 13:33
Հրդեհ Աքորի գյուղում, այրվել է տան տանիք
Մոսկվայի մերձակայքում ԱԹՍ է խոցվել
Քաղաքականություն
14.12.2023 | 13:00
Մոսկվայի քաղաքապետ Սերգեյ Սոբյանինը հինգշաբթի գիշերը հայտարարել է, որ Մոսկվայի մերձակայքում կրկին անօդաչու թռչող սարք են խոցել։ Սոցցանցերում Սոբյանինի հաղորդագրության մեջ ասվում է, որ անօդաչու թռչող սարքը թռչել է դեպի Մոսկվա և խոցվել Նարո-Ֆոմինսկ քաղաքային շրջանում։
Նարո-Ֆոմինսկը գտնվում է Մոսկվայից մոտավորապես 50 կմ հարավ-արևմուտք, այս շրջանի տարածքը տարածվում է գրեթե 80 կմ հյուսիս-արևելք և հարավ-արևմուտք գծի երկայնքով:
BBC-ի ռուսական ծառայությունը հիշեցնում է, որ երբ Ուկրաինան սկսեց անօդաչու սարքերով հարվածներ հասցնել Մոսկվային և Ռուսաստանի այլ հեռավոր շրջաններում թիրախներին, յուրաքանչյուր հարձակում ուղեկցվում էր սոցիալական ցանցերում ռուս օգտատերերի կողմից հրապարակվող պայթյունների, հակաօդային պաշտպանության կրակի և անօդաչու թռչող սարքերի թռիչքների մասին տեսանյութերով և լուսանկարներով:
