08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
«Աշակերտներն ավելի շատ ճանաչում են ոչ հիգիենիկ արտաքինով ինչ-որ «դերասանների», քան մեր մեծերին»
Քաղաքականություն
07.07.2017 | 15:49
Հեռուստատեսության և ռադիոյի ազգային հանձնաժողովը անուշադրության է մատնել նոր սերնդի դաստիարակության հարցը: Այս մասին այսօր Ազգային ժողովում Հեռուստատեսության և ռադիոյի ազգային հանձնաժողովի 2016թ. գործունեության քննարկման ժամանակ ասաց ԱԺ «Ծառուկյան» խմբակցության պատգամավոր Գևորգ Պետրոսյանը:
«Օրը ցերեկով որոշ հեռուստաընկերություններ պարբերաբար ցուցադրում են և էրոտիկ, և սարսափ տարածող սերիալներ: Եթե ինձ հարցնեն՝ ո՞ր պետական մարմինների գործունեությունն եք ամենացածրը գնահատում մայրության, մանկության, երիտասարդության դաստիարակության հարցում և ընդհանարպես, ընտանիքի ամրապնդման գործում, կներեք, բայց ես ձեր հանձնաժողովի անունը կտամ: Անձնավորում այստեղ ընդհանրապես չկա, խոսքը երևույթի մասին է: Ձեր հանձնաժողովը պարզապես անուշադրության է մատնել այդ խնդիրը, այսօր դպրոցը ավարտած աշակերտներն ավելի շատ ճանաչում են ոչ հիգիենիկ արտաքինով դերասանի կոչման առթիվ ինքնախաբեությամբ զբաղված ինչ-որ երիտասարդների, քան հայ մեծերին և դրա մեղավորը նաև ձեր հանձանժողովն է»,-ասաց պատգամավորը:
