14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Նախատեսվում է 14 հուշարձանի վերականգնում՝ մրցութային կարգով․ ԿԳՄՍՆ
Մշակույթ
13.12.2023 | 14:18
ՀՀ կրթության, գիտության, մշակույթի և սպորտի նախարարությունը հրավիրում է պատմության և մշակույթի հուշարձանների վերականգնման ոլորտում փորձ ունեցող շինարարական կազմակերպություններին՝ մասնակցելու պետական գնումների մրցույթներին․ տեղեկացնում են ՀՀ ԿԳՄՍՆ-ից։
Վերականգնման աշխատանքների մրցույթները հրապարակվելու են էլեկտրոնային գնումների ARMEPS համակարգում:
ԿԳՄՍՆ պատմության և մշակույթի հուշարձանների պահպանության միջնաժամկետ ծախսային ծրագրով 2024 թվականի համար նախատեսվող աշխատանքների ֆինանսավորումը նախորդ տարվա փաստացի իրականացվածի համեմատ ավելացել է 192,5 %-ով՝ կազմելով 1,159 մլրդ ՀՀ դրամ:
Նշված ծրագրի շրջանակում նախատեսվում են 14 հուշարձանի վերականգնման աշխատանքներ, որոնց մեծամասնությունը կրելու է շարունակական բնույթ:
Մասնավորապես՝ շարունակվելու են 2023 թվականին մեկնարկած ՀՀ Արագածոտնի մարզի Փարպի համայնքի V-րդ դարի Ծիրանավոր և Արմավիրի մարզի Այգեշատ համայնքի Թարգմանչաց եկեղեցու վերականգնման աշխատանքները:
Հայտարարվելու են ՀՀ Արագածոտնի մարզի Ամբերդ ամրոցի, Լոռու մարզի Լոռի Բերդի միջնաբերդի պարիսպների, եկեղեցու և բաղնիքների, Ամրակցի Սբ. Նիկոլայ Հրաշագործ ռուսական եկեղեցու, Ալավերդի համայնքի Հաղպատ վանական համալիրի արևմտյան պարսպապատի և աշտարակների, Վայոց ձորի մարզի Գնդեվազ համայնքի Սբ Աստվածածին եկեղեցու և որմնանկարների, Տավուշի մարզի «Սրվեղ» վանական համալիրի և «Տավուշ» ամրոցի վերականգման աշխատանքների նոր մրցույթներ:
Նշենք, որ տարվա ընթացքում այս ցանկը համալրվելու է:
