15.09.2026 | 17:56
Ըստ ՔԿ-ի՝ Տաթևի վարչական ղեկավար Գոռ Մինասյանը անասնապահին տարիներ շարունակ հարկադրել է անվճար աշխատել
Ուկրաինայում պատերազմի պատճառով հակաբիոտիկակայուն վարակներ են սկսել տարածվել
Քաղաքականություն
12.12.2023 | 19:53
Ուկրաինայի առողջապահական համակարգում հակաբիոտիկների նկատմամբ կայունության աճը վերածվել է «հրատապ ճգնաժամի»։ Այս մասին ասվում է Ուկրաինայի հանրային առողջության կենտրոնի ուսումնասիրության մեջ, հաղորդում է The Telegraph-ը։
2022 թվականի նոյեմբեր և դեկտեմբեր ամիսներին կենտրոնի աշխատակիցները հետազոտություն են անցկացրել երեք մարզային հիվանդանոցներում: Նրանց կողմից դիտարկված 353 հիվանդներից 14%-ը վարակվել է հիվանդանոցում գտնվելու ընթացքում: Միևնույն ժամանակ, 60%-ն ունեցել է լայն սպեկտրի հակաբիոտիկների նկատմամբ կայուն վարակ:
2016 թվականին նմանատիպ հետազոտությունը ցույց էր տվել, որ հիվանդների միայն 5,5%-ն է վարակվել հիվանդանոցում գտնվելու ընթացքում: Ինֆեկցիաների մոտ 6,2%-ը կայուն է եղել լայն սպեկտրի հակաբիոտիկների նկատմամբ:
Զեկույցում հետազոտողները միջազգային գործընկերներին խնդրում են միջոցներ մշակել Ուկրաինայում հակաբիոտիկների նկատմամբ կայուն վարակների դեմ պայքարելու համար:
«Շտապ ջանքեր են պահանջվում՝ Ուկրաինայի ներսում կյանքեր փրկելու և միջազգային տարածումը սահմանափակելու համար»,- նշել են հետազոտողները:
Գիտնականները նշում են, որ պատերազմը մեծ դեր է խաղացել հակաբիոտիկների նկատմամբ կայունության բարձրացման գործում: Դրա հետևանքները ներառում են հիգիենայի միջին մակարդակի նվազում, ինչպես նաև հակաբիոտիկների նկատմամբ զգայունության թեստերի ոչ մշտական հասանելիություն:
