ԵՄ-ն նախատեսում է ռուսական ակտիվներից ստացված շահույթի մի մասը փոխանցել Կիևին

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Բրյուսելը պլան է պատրաստել, որի համաձայն՝ ԵՄ-ում սառեցված ՌԴ ակտիվներից ստացված շահույթը պետք է պահպանվի Ուկրաինային փոխանցելու համար՝ այդ միջոցներից 15 մլրդ եվրոյի չափով։ Այս մասին գրում է Financial Times-ը՝ նշելով, որ Բրյուսելը պատրաստվում է այս պլանը ներկայացնել դեկտեմբերի 12-ին, փոխանցում է DW-ի ռուսական ծառայությունը։

Լրատվամիջոցը, վկայակոչելով իր աղբյուրներին, գրում է, որ պատժամիջոցների ներքո գտնվող ռուսական ակտիվներից եկամուտները Կիևին փոխանցելու հնարավորության մասին քննարկումներին նոր խթան են տվել ԵՄ-ում և ԱՄՆ-ում Ուկրաինային լրացուցիչ ֆինանսական օգնության վերաբերյալ վեճերը։

«Կարևոր է դիտարկել, թե ինչպես մենք կարող ենք օգտագործել ռուսական ակտիվները և դրանցից ստացված եկամուտները Ուկրաինային աջակցելու համար»,- Financial Times-ին ասել է առևտրի հարցերով եվրոպական հանձնակատար Վալդիս Դոմբրովսկիսը:

Նշելով, որ G7-ի երկրները որոշել են սառեցնել ակտիվները, քանի դեռ Մոսկվան փոխհատուցում չի տրամադրել Ուկրաինային, Դոմբրովսկիսն ասել է, որ ժամանակն է ուսումնասիրել, թե ինչպես լավագույնս օգտագործել այս ընթացքում ստացված եկամուտը:

Լրատվամիջոցը գրում է, որ խոսքը միայն ՌԴ Կենտրոնական բանկի ակտիվների մասին է։ Ըստ FT-ի՝ Եվրահանձնաժողովը նախ կպահանջի, որ սառեցված ակտիվներից ստացված շահույթը տեղաբաշխվի առանձին հաշիվներում։ Երկրորդ փուլում շահույթը կփոխանցվի ԵՄ ընդհանուր բյուջե՝ Ուկրաինային աջակցելու համար։

Եվրահանձնաժողովը գնահատում է, որ դա կբերի տարեկան մինչև 3 միլիարդ եվրո կամ 15 միլիարդ եվրո՝ 2023-2027 թվականների համար։ Հստակեցվում է, որ այդ ժամանակահատվածում գումարը կախված կլինի տոկոսադրույքներից։

Այս ծրագրի իրականացման համար ԵՄ անդամ բոլոր երկրները պետք է միաձայն դրան աջակցեն։ ԵՄ գագաթնաժողովի նախաշեմին, որը նախատեսված է անցկացնել դեկտեմբերի 14-15-ը, Հունգարիան արդեն հայտարարել է, որ դեմ է Եվրահանձնաժողովի առաջարկին՝ Ուկրաինային ԵՄ բյուջեից 50 մլրդ եվրոյի չափով ֆինանսական օգնություն տրամադրելու վերաբերյալ։

Ռիսկերից մեկն էլ Ռուսաստանի կողմից արևմտյան ընկերությունների ակտիվների հնարավոր պահպանումն է՝ ի պատասխան նման գործողությունների։

Էմմա Չոբանյան