13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
Հաղորդաշարեր
23.11.2024 | 19:00
«Այսօր Հայաստանում չկան կիրթ մեկենասներ, կոնկրետ կոմպոզիտորների դեպքում եթե լինում են անձնական, հեղինակային պատվերներ, նրանք, այսպես ասած, շնչում են, եթե ոչ` ոչ: Մինչդեռ անհրաժեշտ է, որ լինի հովանավորություն, լինեն պատվերներ»,- Factor TV-ի հետ զրույցում նման տեսակետ է հայտնում Հայաստանի կոմպոզիտորների միության նախագահ Արամ Սաթյանը:
Նրա համոզմամբ`անհրաժեշտ է, որ հայ երաժշտությունն ավելի ճանաչելի դառնա ոչ միայն Հայաստանում, այլև արտերկրում. «Որպեսզի բարձր արվեստը դառնա բիզնես, ահռելի գումարներ են պետք, արվեստը փող է պահանջում»: Արամ Սաթյանի խոսքով` մեր Օպերային թատրոնում վերջին 30 տարում հայ կոմպոզիտորների գործեր չեն բեմականացվել, և հիմա նոր քայլեր են արվում Լուսիկյանի «Ճպուռն ու մրջյունը» մանկական օպերան բեմադրելու ուղղությամբ.
«Պետք է ինչ-որ առումով նաև պարտադրել, բարձր արվեստը կարող է դառնալ բիզնես, երբ այն այն ճանաչելի է, կատարվում է»: Կոմպոզիտորը խոսում է նաև մեր եթերում, սոցիալական ցանցերում ռաբիսի գերակայության մասին. «Ռաբիսը պրոֆեսիոնալ գործիքավորողների շնորհիվ դարձավ պոպուլյար, եղբա´յր, էս ի՞նչ եք անում»:
Մանրամասները`տեսանյութում:
Աննա Բաբաջանյան
