25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Այս տարի ավտոպատահարները 320 մարդու կյանք են խլել․ ՃՏՊ-ներից զոհերի թիվն աճում է
11.12.2023 | 20:27
Օրեր առաջ Երևանի Մաշտոցի պողոտայում՝ ստորգետնյա անցման մոտ, վրաերթի էին ենթարկվել 2 կին և 4 տարեկան երեխա։ 38-ամյա հղի կինը տեղում մահացել էր։ Նույն օրը նույն ժամանակահատվածում մահվան ելքով վրաերթ էր գրանցվել նաև Սաֆարյան փողոցում, մահացել էր 60-ամյա մի կին։
Հայաստանում այս տարվա հունվար-հոկտեմբեր ամիսներին գրանցվել է շուրջ 3,802 ճանապարհատրանսպորտային պատահար՝ նախորդ տարվա 3,485-ի փոխարեն, այսինքն՝ շուրջ 9,2 %-ով ավելի նախորդ տարվա նույն ժամանակահատվածում գրանցված պատահարներից։
Զոհերի թիվն աճում է ավելի մեծ տեմպերով։ Այս տարվա առաջին 10 ամիսներին ՃՏՊ-ների հետևանքով զոհվել է 320 մարդ՝ նախորդ տարվա 257 զոհի փոխարեն, այսինքն՝ նախորդ տարվա նույն ցուցանիշից ավելի է 24,5 %-ով։ 8,9%-ով էլ աճել է վիրավորների թիվը՝ 5,411 վիրավոր ՃՏՊ-ներից՝ նախորդ տարվա նույն ժամանակահատվածի 4,970-ի փոխարեն։
