24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Էրդողանը Ֆրանսիայի կողմից ՀՀ-ին սպառազինության մատակարարումը սադրանք է որակել
Քաղաքականություն
08.12.2023 | 17:00
Թուրքիայի նախագահ Ռեջեփ Թայիփ Էրդողանը մտահոգություն է հայտնել պաշտպանական և ռազմատեխնիկական ոլորտներում Հայաստանի և Ֆրանսիայի համագործակցության զարգացման առնչությամբ։
«Այն, ինչ անում է Ֆրանսիան, ուղղակի սադրանք է։ Ֆրանսիան պետք է իմանա, որ Հայաստանին լավություն չի անում, հակառակը՝ վատություն է անում։ Որպես Ֆրանսիա՝ նրանք նախկինում բազմաթիվ անգամ աջակցություն են ցուցաբերել Հայաստանին։ Իսկ ի՞նչ արդյունք են ստացել․ ոչ մի։ Ֆրանսիան Մինսկի եռյակի մաս է կազմում։ Գործն ավարտված է, և մինչ իրավիճակն այսպիսին է, նա կրկին սադրում է Հայաստանին։ Ի՞նչ կլինի, եթե ուղարկեք զրահափոխադրիչներ։ Հնարավոր չէ արդյունք ստանալ, Ղարաբաղի ելքն ակնհայտ է։ Հիմա այդ ռազմական մեքենաներն ուղարկում ենք, և ի՞նչ կստանաք։ Ադրբեջանի ձեռքն են ընկել նախկինում Հայաստան ուղարկված տանկերը, թնդանոթներն ու ինքնաձիգները։ Փաստ չէ, որ նրանք ինչ-որ արդյունքի են հասնելու, ուղղակի խաբում են Հայաստանին»,- ասել է Էրդողանը, հաղորդում է TRT Haber-ը։
Նա նշել է, թե «Հայաստանի իշխանությունները պետք է դասեր քաղեն և չդիմեն սադրանքների»։
«Հայաստանին ձեռնտու կլինի օգտվել խաղաղության հնարավորությունից և չընկնել ապակողմնորոշող երկրների ծուղակը։ Ադրբեջանի հետ խաղաղության վրա հիմնված հարաբերությունները լավագույն տարբերակն են Հայաստանի համար։ Նրանք, որոնք զենք են տալիս, շուտով միայնակ կթողնեն Հայաստանին»,- ասել է Էրդողանը։
Հիշեցնենք, որ օրերս էլ Ադրբեջանի նախագահ Իլհամ Ալիևն էր մտահոգություն հայտնել Ֆրանսիայի ու Հնդկաստանի հետ Հայաստանի ռազմատեխնիկական համագործակցության կապակցությամբ։
Էմմա Չոբանյան
