02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Արգելվում է պատռել և այրել. Դանիայում կպատժեն «սուրբ տեքստերը» պղծելու համար
Քաղաքականություն
08.12.2023 | 21:38
Դանիայի խորհրդարանն ընդունել է Ղուրանի մասին օրենք, որը երկրում հայտնի է «Ղուրանլովեն» անվանմամբ։ Երկրի խորհրդարանը ձայների մեծամասնությամբ արգելել է կրոնական տեքստերի հետ ոչ հավուր պատշաճ վերաբերվելը։ Խոսքն առաջին հերթին մահմեդականների սուրբ գրքի՝ Ղուրանի այրման հետ կապված միջադեպերի մասին է, գրում է Euronews-ը։
Օրինախախտներին կսպառնա մեծ տուգանք կամ մինչև երկու տարվա ազատազրկում։
Դանիայի արդարադատության նախարար Պիտեր Հումելգաարդը բացատրել է օրենքի ընդունման անհրաժեշտությունը՝ ելնելով երկրի և նրա քաղաքացիների անվտանգության շահերից։
Օրինագիծը մեծ քննադատության է արժանացել, ընդդիմախոսներն ասում են, որ այն սահմանափակում է խոսքի ազատությունը:
Ամռանը երկրում գրանցվեցին մի քանի ակցիաներ, որոնց ընթացքում դրանց մասնակիցներն այրեցին Ղուրանը, ինչը հանգեցրեց բողոքի ցույցերի մահմեդական աշխարհում ու վերաճեց հակադանիական ցույցերի։
Շվեդիան նույնպես դիտարկում է նմանատիպ օրենք ընդունելու հնարավորությունը։
