08.08.2026 | 16:59
Վանաձորում, Հրազդանում և Արարատում փոշու պարունակությունը գերազանցել է թույլատրելի սահմանը
Եթե նորերն ասեն գնա, կգնամ․ Արմեն Ուլիխանյանն՝ իր հրաժարականի մասին
Քաղաքականություն
31.07.2018 | 18:08
Երևանի Նոր Նորք վարչական շրջանի ղեկավար Արմեն Ուլիխանյանը չի պատրաստվում թողնել համայնքի ղեկավարի պաշտոնը։ Այս մասին այսօր Factor.am-ի հետ զրույցում ասաց նա՝ նշելով․«Իմ հրաժարականի մասին լուրերին տեղեկացել եմ այսօր մամուլից։ Առավոտյան եկել եմ աշխատանքի, նորմալ աշխատում եմ և չեմ պատրաստվում հրաժարական տալ»։
Հարցին` արդյոք ունի՞ ցանկություն նույն վճռականությամբ շարունակել համայնքի ղեկավարի աշխատանքը նաև նոր իշխանությունների հետ, Արմեն Ոլիխանյանը պատասխանեց․ «Այո շարունակելու եմ, բայց եթե նորերն ասեն գնա, ես կգնամ»։
Այսօր տեղեկություն էր տարածվել այն մասին, որ հրաժարական է ներկայացրել նաև Ավան վարչական շրջանի ղեկավար Մանվել Ջավադյանը։ Մեզ հետ զրույցում համայնքի ղեկավարը հերքեց լուրը։
Իսկ հարցն՝ ինչպես է պատկերացնում իր հետագա պաշտոնավարումը նորօրյա իշխանությունների հետ, Մանվել Ջավադյանն անպատասխան թողեց։
Աղավնի Սուքիասյան
