02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Washington Post-ի աշխատակիցները գործադուլ են անում՝ պահանջելով բարձրացնել աշխատավարձերը
Քաղաքականություն
07.12.2023 | 22:50
The Washington Post-ի խմբագրության ավելի քան 750 աշխատակիցներ այսօր 24-ժամյա գործադուլ են անելու՝ ի նշան անձնակազմի կրճատումների և աշխատանքային նոր պայմանագրի կնքման հետաձգման դեմ բողոքի։ Սա պարբերականի աշխատակազմի ամենամեծ գործադուլն է վերջին 50 տարվա ընթացքում։
Գործադուլը կազմակերպել է «Washington Post-ի լրագրողների գիլդիան», որը 1934 թվականից ներկայացնում է պարբերականի աշխատակիցների շահերը։ Գործադուլավորները կոչ են անում ընթերցողներին զերծ մնալ այսօր կայք մուտք գործելուց և նյութեր կարդալուց՝ ի նշան համերաշխության։
Բողոքը ծավալվում է միլիարդատեր Ջեֆ Բեզոսին պատկանող թերթի համար դժվարին շրջանի ֆոնին։ Մեկ ամիս առաջ The Washington Post-ի ղեկավարությունը հայտնել էր, որ ընթացիկ տարում ակնկալվում է 100 միլիոն դոլարի վնաս և ծախսերի կրճատման ծրագիր էր ներկայացրել։
Ծրագիրը նախատեսում է աշխատողների թվի կրճատում 10%-ով (կամ 240 անձով), որից գրեթե կեսը՝ հենց խմբագրությունում։ Այս կապակցությամբ ղեկավարությունն աշխատակիցներին առաջարկել է դիտարկել կամավոր աշխատանքից ազատվելու տարբերակը՝ 6-ից 24 ամիս աշխատանքի ընթացքում բազային աշխատավարձի չափով փոխհատուցմամբ՝ կախված կոնկրետ աշխատողի ստաժից:
