14.10.2026 | 12:56
ՌԴ-ն զանգվածային հարված է հասցրել Կիևին․ 3 մարդ զոհվել է, քաղաքի մի մասը մնացել է առանց էլեկտրականության
Վարդենիսի սոցապ աշխատակիցները նպաստառու բնակիչներից գումար են շորթել. քրգործ է հարուցվել
Հասարակություն
31.07.2018 | 15:54
ՀՀ քննչական կոմիտեի Գեղարքունիքի մարզային քննչական վարչության Վարդենիսի քննչական բաժնում քննվում է 2013-2018 թթ. ընթացքում Գեղարքունիքի մարզպետարանի աշխատակազմի Վարդենիսի սոցիալական աջակցության տարածքային գործակալության աշխատակիցների կողմից ապօրինի վարձատրություն ստանալու փաստի առթիվ հարուցված քրեական գործը. տեղեկացնում է ՀՀ ոստիկանությունը:
Գործով փաստական տվյալներ են ձեռք բերվել, որ Վարդենիսի տարածքային գործակալության որոշ աշխատակիցների պահանջով նպաստառու բնակիչները անապահով համարվող ընտանիքի գնահատման համակարգում հաշվառվելու օրվանից ընտանեկան նպաստի գումարից մաս-մաս միջնորդի միջոցով նրանց են փոխանցել գումար:
Վարդենիսի սոցիալական աջակցության տարածքային գործակալության աշխատակիցների կողմից կատարված չարաշահումների արդյունքում տուժած քաղաքացիներին խնդրում ենք դիմել Վարդենիսի քննչական բաժին (ք. Վարդենիս, Վ. Համբարձումյան 47) կամ ՀՀ ոստիկանության Վարդենիսի բաժին (ք. Վարդենիս, Ազգալդյան 3):
