12.08.2026 | 23:14
6 խաղափուլից հետո միանձնյա առաջատարն է գրոսմայստեր Էմին Օհանյանը. Եվրոպայի Մ20 տարեկանների առաջնություն
Թուրքիայում երկրաշարժեր են տեղի ունեցել․ ցնցումներ են զգացվել նաև Ստամբուլում
Քաղաքականություն
04.12.2023 | 13:43
Թուրքիայի Աղետների և արտակարգ իրավիճակների կառավարման ծառայության (AFAD) հաղորդմամբ՝ տեղական ժամանակով 10։42-ին Մարմարա ծովում 5,1 մագնիտուդով երկրաշարժ է գրանցվել, գրում են թուրքական լրատվամիջոցները։
Նշվում է, որ երկրաշարժը տեղի է ունեցել Բուրսայի Մուդանյա շրջանի ափից 4,73 կմ հեռավորությամբ, ծովի մակերևույթից մոտավորապես 8,98 կմ խորության վրա։ Նույն վայրում ժամը 10։45-ին էլ գրանցվել է 4,5 մագնիտուդով մեկ այլ երկրաշարժ։
Ստամբուլի նահանգապետ Դավութ Գյուլը հայտնել է, որ բավական ուժգին ցնցումներ են զգացվել նաև Ստամբուլում։ Նա նշել է, որ կորուստների մասին դեռևս տեղեկություններ չկան։
Բուրսայի նահանգապետն իր հերթին հայտարարել է, որ «առաջին եզրակացությունների համաձայն՝ Ստամբուլի նահանգում զոհեր կամ գույքային կորուստներ չեն եղել, AFAD-ի և հարակից ստորաբաժանումների ուսումնասիրությունները շարունակվում են»։
Էմմա Չոբանյան
