06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Պարեկը հարվածել է քաղաքացուն․ միջադեպի առթիվ ՆԳՆ-ում ծառայողական քննություն է նշանակվել
Հասարակություն
30.11.2023 | 13:30
Երեկվանից համացանցում տեսանյութ է շրջանառվում պարեկային ծառայողի մասնակցությամբ հերթական միջադեպի մասին։ Այս անգամ դեպքը տեղի է ունեցել Գումրիում։ Միջադեպի մասնակից Գոռ Թորոսյանը Mediahub-ին պատմել է, որ նոյեմբերի 15-ին Գյումրու Վարդանանց հրապարակում պարեկային ծառայողը կանգնեցրել է իր մեքենան և տուգանել նրա համար, որ առջևի նստարանին մեծահասակի հետ նստած է եղել նաև երեխա։ Վարորդը համաձայնվել է, որ խախտում է կատարել և չի առարկել վարչական ակտի դեմ, սակայն, երբ նստել են մեքենաները, որ հեռանան, նկատել է, որ պարեկային ծառայողը նույնպես խախտում է թույլ տալիս. մեքենան վարելիս խոսում է հեռախոսով և ամրակապված չէ։
Գոռ Թորոսյանը գնացել է պարեկային ավտոմեքենայի հետևից, կանգնեցրել այն, պնդել, որ պարեկը նույնպես օրենք է խախտել։ Խոսակցությունը վերածվել է բանավեճի, ինչից հետո, ինչպես երևում է տարածված տեսանյութում, պարեկը հարվածել է Թորոսյանին, ոլորել ձեռքերը։ Ըստ Թորոսյանի՝ ինքը վնասվածքներ է ստացել։
Ներքին գործերի նախարարությունից Factor TV-ին տեղեկացրին, որ տեսանյութն ուսումնասիրվել է, նշանակվել է ծառայողական քննություն։
