15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Դեսպան Խաչատրյանը ԵԽ Նախարարների կոմիտեին է ներկայացրել հայ-ադրբեջանական հարաբերությունների կարգավորման ուղենշային սկզբունքները
Քաղաքականություն
22.11.2023 | 22:08
Նոյեմբերի 22-ին կայացել է Եվրոպայի խորհրդի Նախարարների կոմիտեի հանդիպումը։ Այս մասին տեղեկացրին ԵԽ-ի հայաստանյան ներկայացուցչությունից։
Քաղաքական հարցերի քննարկման ժամանակ ԵԽ-ում Հայաստանի մշտական ներկայացուցիչ, դեսպան Արման Խաչատրյանը Նախարարների կոմիտեին ներկայացրել է Արդարադատության միջազգային դատարանի՝ Լեռնային Ղարաբաղի հայերին վերաբերող նոյեմբերի 17-ի որոշման մանրամասները և Ադրբեջանի իրավական պարտավորությունները։
Դեսպան Խաչատրյանը վերահաստատել է Հայաստանի քաղաքական կամքը՝ ջանքեր գործադրելու Ադրբեջանի հետ հարաբերությունների կարգավորման և տարածաշրջանում խաղաղության և կայունության հաստատման ուղղությամբ։
Հայաստանի դեսպանը տեղեկացրել է, որ նոյեմբերի 21-ին Հայաստանն Ադրբեջանին է փոխանցել հարաբերությունների կարգավորման մասին համաձայնագրի հայկական կողմի թվով 6-րդ խմբագրությունը։ Դեսպանը ներկայացրել է հարաբերությունների կարգավորման ուղենշային սկզբունքները։
Անդրադարձել է Հայաստանի հարցերով ԵԽԽՎ համազեկուցողների նոյեմբերի 6-8-ը Հայաստան իրականացրած այցին, որի արդյունքում ԵԽԽՎ համազեկուցողները նշել են, որ Հայաստանի իշխանության և բնակչության համերաշխության շնորհիվ Ադրբեջանի ռազմական հարձակումից և դրան նախորդած ինը ամսվա մեկուսացումից հետո Լեռնային Ղարաբաղի հայերը Հայաստանում գտել են արժանապատիվ կացարան և ստացել հրատապ օգնություն։
